News
Լրահոս
News
Հինգշաբթի
Մայիս 19
USD
459.4
EUR
484.07
RUB
7.4
Տեսնել լրահոսը


Գլխավոր շտաբի նախկին պետը հայտարարություններ է անում, որ սարսափելի է. հիմա կարող եք հարց տալ՝ բա ինչի՞ էիր դրանց էդտեղ դրել. Մի պարզ պատճառով՝ հո չէի՞ կարող օտարերկրից գեներալ բերեի, մեր գեներալների միջից պետք է դնեի: Այս մասին այսօր՝ հունիսի 5-ին, Աբովյանցիների հետ հանդիպման ժամանակ նշեց ՀՀ վարչապետի պաշտոնակատար Նիկոլ Փաշինյանը:

«ԳՇ պետ նշանակելիս խորհրդակցել եմ զինվորականների հետ: Ասել են՝ երկու մարդ կա, որ կարող է լինել ԳՇ պետ: Ես այդ երկուսին եմ նշանակել: Այդքան սուտ, որ ասել են իմ մասին: Այն մարդը (նկատի ունի ԳՇ նախկին պետ Օնիկ Գասպարյանին-խմբ), որին ես գեներալ-գնդապետի կոչում եմ տվել, 10 մարդու ներկայությամբ իր ասածից հրաժարվում է: Օնիկ Գասպարյանը դեռ Շուշիի համար է պատասխան տալու: Ինքն ինձ․․․, ինձ չէ, դատարանում պետք է բացատրի, թե Շուշիի օգնության հասնող խումբն ինչու է օրուկես ուշացումով հասել»,-հայտարարեց Փաշինյանը: 

«Նոյեմբերի 9-ից հետո մեր հակառակորդներին թվում է, թե ես խուսափելու եմ տարբեր դրվագների մասին խոսելուց: Ոչ, մենք մինչեւ վերջին դետալը այս պատմությունը պետք է բացենք: Եթե մեր ժողովուրդը գտնի, որ ինձ պատի տակ պետք է գնդակահարի, ես գլուխս կախ այդ պատի տակ կանգնած եմ լինելու:

Ասում են՝ եթե այս իշխանությունը մնա, ոչ մի բան չի բացվի: Ընդհակառակը, եթե այս իշխանությունը չմնա, այդ ժամանակ ոչ մի բան չի բացվի, որովհետեւ բոլոր վախկոտներն ու առնետները իրար գլխի են հավաքվել, որ իրենց հարցերը կարողանան լուծել: Դրանց հոխորտալուն մի նայեք, դրանք վախեցած են շան նման»:

Դիտարկմանը, թե ինչու ոչ ոք դատված չէ, Փաշինյանը պատասխանեց. «Իրենք ազատության մեջ են, որովհետեւ Հայաստանում անկախ կայացած դատարան չկա, իսկ ես չեմ ուզում իմ անձնական դատավճիռներով մարդիկ նստեն: Եթե ուզում ենք, որ այս ամենը բացվի, եթե ուզում ենք, որ մեր երկիրը ոտքի կանգնի, եթե ուզում ենք, որ այս խառնակիչներին փողոց դուրս գալու հնարավորություն չտանք, ես ՀՀ քաղաքացիների 60 տոկոսի քվեն եմ ակնկալում հունիսի 20-ի ընտրություններում:

Դուք գիտեք, որ եթե մեր թիմն է իշխանության, դուք ցանկացած պահի կարող ե գնալ ձեզ համար նոր իշխանություն ընտրեք, երբ ուզեք, որովհետեւ ես իմ ձեռքերը կկտրեմ, ձեր ընտրելու իրավունքին չեմ կպնի: Դուք գիտեք, որ այդ հարցում զիջում չեմ անի: Աբովյանում ընտրություն է եղել, մենք ունեցել ենք թեկնածու, քաղաքացու ոչ մի քվեին չենք կպել, մեր պարտությունը ճանաչել ենք:

Իսկ այդ ոհմակի վերադարձն իշխանության նշանակում է, որ ՀՀ քաղաքացին իր ձեռքները կտրում է: Հետեւաբար, մենք այդ 60 տոկոս քվեն մեզ համար չենք ուզում, ձեզ համար ենք ուզում, որովհետեւ ձեր իրավունքի, ձեր իշխանության վերահաստատում է ՀՀ-ում»,-ընդգծեց նա:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
2021թ. ԱԺ ընտրություններին ընտրակաշառք տալու գործով հերթական դատավճիռն է կայացվել. Մեղադրյալը ԲՀԿ-ից է
ՀՀ ոստիկանության Գավառի բաժնում 2021թ. հունիսի 9-ին ՀՀ քրեական օրենսգրքի…
2021թ. ԱԺ ընտրությունների հետ կապված 29 գործով դատի է տրվել 53 անձ, 6-ի վերաբերյալ կա մեղադրական դատավճիռ. ամփոփում
Ըստ այդմ՝ նախաքննության և հետաքննության մարմիններին ուղարկված հաղորդումների առթիվ ընդհանուր առմամբ հարուցվել է 87 քրեական գործ, որոնցով...
ԱԺ արտահերթ ընտրությունների հետ կապված 22 գործով դատի է տրվել 46 անձ, 76 տոկոսը՝ ընտրակաշառքի համար. ամփոփում
Մեղադրյալներից 8-ը եղել են արտահերթ խորհրդարանական ընտրություններին մասնակցած կուսակցության կամ կուսակցության դաշինքի թեկնածուներ…
ԵԽԽՎ դիտորդական հանձնաժողովի ղեկավար. Հայաստանի ընտրողների մոտ 25 տոկոսը ներկայացված չէ խորհրդարանում
Նրա խոսքով՝ միակ բացառությունը բավական բարձր անցումային շեմն էր՝ 5 տոկոս կուսակցությունների համար եւ 7 տոկոս կոալիցիայի համար։
«ՔՊ». Այս տարվա արտահերթ խորհրդարանական ընտրություններն ամենալեգիտիմն էին Հայաստանի պատմության մեջ
«Հաշվի առնելով այդ ամենը՝ ես ամբողջ պատասխանատվությամբ հայտարարում եմ...
ԱԺ արտահերթ ընտրություններին ընտրական հանցագործությունների մասին 16 գործ՝ 24 անձի վերաբերյալ, ուղարկվել է դատարան
ՀՀ գլխավոր դատախազությունը շարունակում է ներկայացնել 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ողջ ընթացքում, ինչպես...
Ֆոտոռեպորտաժներ