Կիրակի Իրանի հարավ-արեւմտյան Իլամ նահանգում տեղի է ունեցել 5,2 մագնիտուդ ուժգնությամբ երկրաշարժ, հաղորդում է Tasnim news-ը:
Երկրաշարժը տեղի է ունեցել տեղական ժամանակով 9:24-ին Սալեխբադ քաղաքի մերձակայքում: Դա զգացել են մարդիկ հարեւան նահանգներում եւ Իլամի ուրիշ քաղաքներում:
Իլամ նահանգի ճգնաժամային կառավարման դեպարտամենտի գործադիր տնօրեն Այաթ Քեյսարբեյգին հայտնել է, որ տուժած շրջաններ են ուղարկվել փրկարարներ եւ օգնություն ցուցաբերող խմբեր: Նրա խոսքով՝ ավերածությունների եւ զոհերի մասին հաղորդագրություններ դեռեւս չեն ստացվել:
