Microsoft-ը պատրաստ է թողարկել Windows 11-ը: Այս մասին Twitter-ում հայտարարել է հայտնի ինսայդեր Էվան Բլասը, փոխանցում է «ՏԱՍՍ»-ը:
Ըստ բլոգերի` Microsoft-ի հաջորդ օպերացիոն համակարգը կկոչվի Windows 11: Ցանկացած խոշոր համակարգի թարմացում հաճախ այսպես է կոչվում, սակայն ինսայդերը պարզել է, որ Windows 11-ը ոչ թե պայմանական, այլ օպերացիոն համակարգի հիմնական անվանումն է: Այսպիսով, Բլասը փաստացի հաստատել է օպերացիոն համակարգի նոր սերնդի թողարկումը:

Ակնկալվում է, որ Microsoft-ի ՕՀ-ի համարային տարբերակը կներառի Sun Valley անվամբ թարմացումը, որը ինտերֆեյսի լուրջ ռեդիզայն է ներառում: Բլասի գրառման տակ մեկնաբանները նկատել են, որ ավելի վաղ Microsoft-ի ղեկավար Սաթյա Նադելան (Satya Nadella) ասել էր, որ Windows 10-ը կլինի ընկերության վերջին համարային ՕՀ-ն: Հավանաբար, կորպորացիան վերանայել է իր տեսակետները իր հիմնական արտադրանքի ապագայի վերաբերյալ:

Microsoft-ը Windows-ի նոր սերնդի մասին հայտարարել էր մայիսի վերջին: «Մենք շուտով կկիսվենք Windows-ի ամենակարեւոր թարմացումներից մեկով»,- ասել է Microsoft-ի գլխավոր տնօրեն Սաթյա Նադելան: