Եվրամիությունը պետք է վերացնի առանձին անդամ երկրների՝ արտաքին քաղաքական միջոցառումների նկատմամբ վետո կիրառելու իրավունքը, քանի որ այն չի կարող իրեն թույլ տալ «պատանդ մնալ»: Այս մասին հայտարարել է Գերմանիայի արտաքին գործերի նախարար Հեյկո Մաասը, հայտնել է Reuters-ը:
«Մենք չենք «պատանդ մնալ» նրանց մոտ, ովքեր իրենց վետոյով դժվարացնում են Եվրոպայի արտաքին քաղաքականությանը», - հայտարարել է նա: «Վետոյի իրավունքը պետք է չեղարկվի, նույնիսկ եթե դա նշանակում է, որ մենք կարող ենք պարտվել»:
Նրա խոսքերը Գերմանիայի կողմից անսովոր կշտամբանք են անդամ պետություններից մեկի հասցեին: Գերմանիան, գիտակցելով իր տնտեսական եւ քաղաքական կշիռը ԵՄ-ում, սովորաբար շատ զգույշ է վերաբերվում նման կոշտ հայտարարություններին:
Հիշեցնենք, որ Հունգարիան ապրիլին արգելափակել է ԵՄ հայտարարությունը, որը քննադատում էր Հոնկոնգում անվտանգության վերաբերյալ Չինաստանի նոր օրենքը: Անցյալ ամիս Բուդապեշտը հրաժարվել է վավերացնել ԵՄ առեւտրի եւ զարգացման նոր համաձայնագիրը Աֆրիկայի, Կարիբյան ավազանի եւ Խաղաղ օվկիանոսի երկրների հետ, ինչպես նաեւ հրաժարվել է աջակցել Իսրայելի եւ պաղեստինցիների միջեւ բռնությունը դադարեցնելու ԵՄ կոչին:
