News
Լրահոս
News
Չորեքշաբթի
Օգոստոս 04
Տեսնել լրահոսը

Չինացի զբոսաշրջիկներին ներգրավելու, չինացի ինֆլյուենսերներին հրավիրելու հնարավորության, ինֆորմացիոն միջազգային հարթակներում երկիրը ներկայացնելու մասին NEWS.am-ի հետ զրույցում պատմել է Kuaishou ընկերության փոխնախագահ Լյու Չժենը:

Պարոն Լյու Չժեն, ինչպե՞ս Ձեր հավելվածի միջոցով զբոսաշրջիկների ներգրավել: Կա՞ն արդյոք օրինակներ, երբ երկրները կարողացել են դրան հասնել Ձեր հավելվածի միջոցով:

Մենք կարող ենք հրավիրել տեղաբնակներին եւ Հայաստանի տուրիզմի ոլորտի գործիչներին՝ գրանցվելու Kuaishou-ում, վիդեո հրապարակելու կամ էլ օնլայն հեռարձակում անցկացնելու Հայաստանի ավանդույթների ու սովորույթների մասին: Մենք նաեւ կարող ենք տեղացի կամ չինացի ինֆլյուենսերների հրավիրել Հայաստան, ցույց տալ մշակութային տեսարժան վայրերը «կարճ վիդեոյի + ուղիղ հեռարձակման» միջոցով, պատմել երկրի ժամանակակից կյանքի մասին, Հայաստանում տարբեր վայրերի պատմության եւ հարուստ մշակութային ռեսուրսների մասին:

2019-ին Kuaishou-ի բովանդակության մասին զեկույցը ցույց է տալիս, որ տուրիզմը Kuaishou-ում ամենահայտնի կոնտենտներից է: 2020-ի սեպտեմբերի դրությամբ  Kuaishou-ում գրանցվել է ավելի քան 10 օնլայն տուրիստական գործակալություն, 300 գեղատեսիլ վայր A մակարդակի, 1500 լիցենզավորված գիդ եւ 18000 տուրիստական ընկերություն:

«2020-ին Kuaishou-ի բովանդակության մասին» զեկույցը ցույց է տալիս, որ ճանապարհորդությունների տեսանկյունից կարճ տեսահոլովակների թիվը մեծացել է 127%-ով, «ճանապարհորդել Kuaishou-ի հետ» միջոցառման դիտումների ընդհանուր թիվը կազմել է 513 միլիոն դիտում:

Չինաստանում Kuaishou-ն համագործակցում է տուրիզմի ինդուստրիայի մի քանի հարթակների հետ, այդ թվում՝ China Tourist group, Airbnb, Կունար.քոմ եւ այլն: Միեւնույն ժամանակ, խորը համագործակցություն է հաստատվել Kuaishou-ի եւ Չժեցզյանի, Յունանի, Գուլինի, Լոյանի եւ այլ գավառների ու քաղաքների հետ:

Մեր երկրում հասանելիություն չկա Ձեր հավելվածի նկատմամբ: Ինչպե՞ս ստանալ այդ հասանելիություն:

Այսօր Kuaishou-ն հնարավոր է ներբեռնել եւ օգտագործել Հայաստանում Google store-ի միջոցով: Մեր ընկերությունն այժմ թողարկում է նաեւ Kuaishou-ի միջազգային տարբերակ տարբեր երկրների օգտատերերի համար: Այս պահին այն հասանելի է տասնյակ երկրներում եւ տարածաշրջաններում, ներառյալ՝ Հարավարեւելյան Ասիայի եւ Եվրոպայի երկրները: Հուսով ենք, որ կկարողանանք սպասարկել նաեւ Հայաստանում մեր օգտատերերին:

Ի՞նչ եք կարծում՝ արդյոք այնպիսի փոքր երկիրը, ինչպիսին Հայաստանն է, կարող է հետաքրքրել չինացի զբոսաշրջիկներին:

Յուրաքանչյուր վայր ունի իր անկրկնելի հմայքը, եւ մենք պետք է նշենք մեր գովազդում դրա առանձնահատկությունները: Մի կողմից, Հայաստանն ունի հիանալի աշխարհագրական բնապատկերներ, դուք ունեք հարուստ պատմությամբ Երեւան, գեղեցիկ Դիլիջան, ինչպես նաեւ բազմաթիվ եկեղեցիներ եւ թանգարաններ: Մյուս կողմից, Չինաստանում նոր սերնդի շրջանում հայտնիություն են ձեռք բերում «անսովոր» մշակույթները:

Շատ է խոսվում Հայաստանի եւ Չինաստանի հարաբերությունների մասին, ի՞նչ եք կարծում՝ որոնք պետք է լինեն այդ ոլորտում ամենաառաջին եւ ամենակարեւոր հարցերը, որոնք կառավարությունները պետք է լուծեն:

Այժմ Չինաստանի եւ Հայաստանի հարաբերությունները զարգանում են, տարբեր ոլորտներում համագործակցությունը անշեղորեն զարգանում է, եւ «Մեկ գոտի, մեկ ուղի» նախաձեռնությունը եւ ամուր հիմք է դրել երկկողմ բարեկամական հարաբերությունների զարգացման համար: Հետագայում հումանիտար փոխանակման ոլորտում համագործակցության զարգացումը եւ կարևոր տեղ է զբաղեցնում: Կարծում եմ՝ պետք է ուշադրություն դարձնել մշակութային փոխանակման ասպեկտներին, ներառյալ՝ արվեստին, ԶԼՄ-ներին, սպորտին, կրոնին, տուրիզմին: Զանգվածային կոմերցիոն ցուցահանդեսների, տոնավաճառների եւ առեւտրային շոուների ոլորտում համագործակցության ընդլայնումը կօգնի Չինաստանի եւ Հայաստանի ժողովուրդների միջեւ բարեկամական կամուրջ կառուցել:

Պարույր Սինյավսկի

Նյութի պատրաստման հարցում աջակցության համար շնորհակալություն ենք հայտնում «Խուանցյուվան» պորտալի լրագրող Չժան Ցզյա Տունին  

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գողություն Սուրբ Աստվածածին եկեղեցուց. Տարել էին հանգանակված գումարը
Քրեական հետախույզների արագ և օպերատիվ գործողությունների արդյունքում հաղորդումից ժամեր անց հանցագործությունը բացահայտվեց…
Ադրբեջանը առեւտրի եւ զբոսաշրջության գրասենյակ է բացել Թել Ավիվում
2020 թվականին երկրների միջեւ ապրանքաշրջանառությունը մոտ 200 միլիոն դոլար էր...
Վրաստանի տուրիզմի ասոցիացիա. Եվրոպացիները զանգվածաբար հետաձգում կամ չեղարկում են իրենց ամրագրումները
Նրա խոսքով՝ այդ վակուումը մասամբ լրացնում են Ուզբեկստանից, Ղազախստանից եւ Բելառուսից զբոսաշրջիկները:
Վրաստանի տուրիզմի ասոցիացիա. մեր բնակիչները ծանոթ չեն Հայաստանին զբոսաշրջային գովազդի բացակայության պատճառով
Նրա խոսքով՝ ցածր իրազեկվածության պատճառով շարքային վրացիները չեն դիտարկում հանգստի համար Հայաստան այցը, նրանց հետաքրքիր չէ...
Զբոսաշրջային ոլորտում դժվար է ապագայի ծրագրեր կազմել. Տուրիզմի հայկական ֆեդերացիայի խորհուրդ
Հիմա ճամփորդելը դժվարացել է...
Ապարանում լեռնադահուկային համալիր կկառուցվի, որը կսպասարկի տարեկան 500 հազար տուրիստի. Կլինի նաեւ կազինո
Հայաստանի կառավարությունն իր այսօրվ՝ հուլիսի 29-ի նիստում հավանություն տվեց «Մայլեռ Մաունթայն Ռեզորթ» փակ բաժնետիրական ընկերության կողմից ներկայացված...