Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Ֆրանսիայի Հանրապետության Եվրոպայի եւ արտաքին գործերի նախարար Ժան-Իվ Լե Դրիանի եւ Գերմանիայի Դաշնային Հանրապետության արտաքին գործերի նախարար Հայկո Մաասի հետ, հայտնում է ՌԴ ԱԳՆ-ն:
Արտաքին գործերի նախարարների ղեկավարները քննարկել են իրավիճակն ադրբեջանա-հայկական սահմանին եւ Լեռնային Ղարաբաղի շուրջ, ինչպես նաեւ Ադրբեջանի, Հայաստանի եւ Ռուսաստանի ղեկավարների 2020 թվականի նոյեմբերի 9-ի եւ սույն տարվա հունվարի 11-ի հայտարարությունների դրույթների կատարման ընթացքը:
Ընդգծվել է հրադադարի ռեժիմի խիստ պահպանման կարեւորությունը եւ առաջացող տարաձայնությունները քաղաքական եւ դիվանագիտական լուծման անհրաժեշտությունը: Նախարարները հաստատել են ԵԱՀԿ Մինսկի խմբի դերն Ադրբեջանի եւ Հայաստանի միջեւ բանակցային գործընթացում: Ռուսական կողմը նշեց, որ միջազգային կազմակերպությունների ցանկացած ներգրավում հնարավոր է միայն Բաքվի եւ Երևանի համաձայնությամբ:
