Այն ցավերը, որոնք տեսել է Արցախը տեսել է նաև Սյունիքը և ասյօր նույնը կրկնվում է Սյունիքում։ Այս մասին այսօր՝ հունիսի 8-ին, NEWS.am-ի հետ զրույցում նշեց Սիսական ջոկատի հրամանատար, Մարտական խաչ առաջին աստիճանի շքանշանի ասպետ Աշոտ Մինասյանը։
«Վստահ եմ, որ հաղթելու ենք, որովհետև սյունեցին պարզ գիտակցում է, թե ինչ է կատարվել Արցախի հետ, բնականաբար, այն, ինչ ուզում էր բերել Սյունիքի գլխին, դա տեսանելի է։ Իսկ Սյունիքը դա թույլ չի տալու»,- նշեց նա։
Աշոտ Մինասյանի խոսքով՝ ընտրություններից հետո անվտանգության առումով առաջնահերթությունը պետք է լինի բանակի կայունացումը, բանակի հզորացումը և բանակից հետո սկսենք տնտեսությամբ զբաղվել։
«Իրենք, ելակ և կոնֆետ տալով, կարողացան հաղթանակ տանե՞լ, թե՞ պարտություն կրել։ Այսօր մեզ շատ բաներում կարող են մեղադրել բացի, որ պարտվել ենք։ Թող այդ պարտության առաջնորդները, որ իրենք են, կանգնեն ժողովրդի առջև և ասեն, թե ինչու պարտվեցին։ Սա ստի իշխանություն է։ Մեծ մանիպուլյացիայի իշխանություն, որը կարողացավ ժողովրդին մոլորեցնել իրենց ստերով։ Ես կարծում եմ, որ սա հենց գիտակցեց, որ ինքը գնում է պարտության, ամեն ինչ սպասելի է սրանից։ Ամեն մի սցենար սպասելի է այս անմեղսունակից»,- ընդգծեց Աշոտ Մինասյան։