Apple ամերիկյան տեխնոլոգիական ընկերությունը համաժողով է անցկացրել WWDC 2021 դեվելոփերների համար, որին պաշտոնապես հայտարարել է նորացված ծրագրային պլատֆորմների մի ամբողջ շարքի մասին: Մասնավորապես, Apple-ը ներկայացրել է iOS 15-ը` նորագույն օպերացիոն համակարգ iPhone-ի համար, հայտնում է Planet- today-ը:
Նորացված ՕՀ-ի կարեւոր մաս է FaceTime տեսազանգերի բարելավված սերվիսը: Այժմ այն ունի ցանցի տեսքով տեսանյութ նայելու հնարավորությունը, պորտրետային տեսք (աղոտ ֆոնով) տեսանյութի համար, Spatial Audio տեխնոլոգիայի աջակցություն, որը պատասխանատու է տարածական ձայնի, տեսազանգերի հղումներ ստեղծելու հնարավորության համար` այլ մասնակիցների հետ դրանով կիսվելու նպատակով, ինչպես նաեւ` SharePlay գործառույթը, որի օգնությամբ կարելի է կիսվել տեսանյութերով եւ երաժշտությամբ անմիջապես զանգի ընթացքում:
Messages ծառայությունն այժմ թույլ է տալիս նոր եղանակով կիսվել քոնթենթով. կարելի է կոլաժներ ստեղծել նկարներից, փոդքասթերից, հոդվածներից եւ այլն: Հավելվածում փոխանցված ամբողջ քոնթենթը պահվում է համապատասխան սերվիսներում` լուսանկարները` Photos-ում, երաժշտությունը` Apple Music–ում եւ այլն:
iOS 15-ը վերազինված ծանուցման համակարգ է ստացել: Այժմ Apple-ի բջջային օպերացիոն համակարգում կան ծանուցումների «ամփոփագրեր», որոնք հիմնված են օգտատիրոջ` տարբեր սերվիսների հետ շփվելու սովորությունների վրա: Ամփոփումները ցուցադրվում են որոշակի ժամանակ. այն նշանակվում է օգտագործողի կամ ՏՏ-ի կողմից (ընդ որում, վերջինս հիմնված է մի քանի պարամետրերի վրա): Իհարկե, նոր iPhone OS-ում կան նաեւ այլ օգտակար եւ հարմարավետ նորություններ: