News
Լրահոս
News
Երեքշաբթի
Դեկտեմբեր 12
USD
403.54
EUR
434.77
RUB
4.44
Տեսնել լրահոսը

Եթե պաշտպանության նախկին նախարար Դավիթ Տոնոյանը պատերազմից առաջ մեկ ամսվա ընթացքում հանդիպեր ինձ հետ, պատերազմ չէր լինի: Իսկ նա հայտնում է. «Վաղը նիստ է, չեմ կարող Ձեզ հետ հանդիպել»: Սրիկա: Այս մասին  NEWS.am-ի հետ զրույցում ասաց ՀՀ ԳՇ նախկին պետ, գեներալ-լեյտենանտ Նորատ Տեր-Գրիգորյանցը:

«Մենք ընկերների հետ բանակ ենք ստեղծել, որը պահպանում է հայ ժողովրդի անվտանգությունն ու արժանապատվությունը: Սակայն նա չհանդիպեց վետերանների հետ: Սրիկա: Ես խնդրեցի հանդիպման մասին փոխանցել, իսկ նա ասաց. «Ժամանակ չկա»: Ապա զանգեցի ԱԺ պաշտպանության եւ անվտանգության մշտական հանձնաժողովի նախագահ Անդրանիկ Քոչարյանին եւ ասացի՝ «ի՞նչ եք դուք անում, ձեր գլխավոր գերագույն հրամանատարը պատերազմից առաջ հեռացնում է գեներալներին»: Ես նրանց ասացի, որ շուտով պատերազմի կլինի, իսկ ձեր Նիկոլ Փաշինյանը հեռացնում է սպաներին»,-ասաց Տեր-Գրիգորյանցը:

Նա հարց ուղղեց՝ արդյոք ոչ ոք չգիտեր ռազմաքաղաքական վիճակի մասին:

Իշխանությունն ասում էր՝ «Ի՞նչ պատերազմ, ի՞նչ եք խոսում», իսկ ես ասում էի՝ «Չե՞ք զգում պատերազմի հոտը»:

«Պատերազմի ժամանակ Փաշինյանը պաշտպանության նախարար է նշանակում Վաղարշակ Հարությունյանին: Ես նրա դեմ որեւէ բան չունեմ, սակայն նա չէր կարող գլխավոր հրամանատարի խորհրդական լինել: Նա  ռազմական գործում ոչինչ չի հասկանում: Երկու օր անց իմանում եմ, որ կամավորների են կանչում: Ինչ հիմարություն է: Դա ֆիդայական պատերազմ չէ, մեզ վրա հարձակվել են հզոր Թուրքիայի զինված ուժերը, Ադրբեջանի զինված ուժերը, 3000 ծայրահեղական իսլամիստ Մերձավոր Արեւելքից: Բացի այդ, եթե պատերազմ է Ղարաբաղում, ապա այն պետք է կառավարեն ղարաբաղցիները: Ինչո՞ւ միջամտել ուրիշի գործերին: Պետք է կառավարման նախագահական ձեւ: Երբ ես ստեղծում էի Զինված ուժերը, մենք կռվում էինք եւ ազատագրեցինք Ղարաբաղը: Ադրբեջանցիները ցանկանում էին գրավել Ղարաբաղն ու Զանգեզուրը, միանալ Նախիջեւանի հետ եւ այդտեղից ներխուժել Երեւան: Սակայն մենք Լեւոն Տեր-Պետրոսյանի խնդրանքով հայեցակարգ մշակեցինք, երեք փուլով ստեղծեցինք բանակ եւ կռվեցինք Ղարաբաղի պաշտպանության բանակի հետ: Այդ բանակը 30 տարի ապահովեց երկրում խաղաղ կյանքը: Ինչ վերաբերում է տեխնիկային, ապա կարեւոր էր յուրացնել առկա սպառազինությունը: Նման հրետանի, ինչպիսին Ռուսաստանինն է, չկա աշխարհի ոչ մի երկրում: Այդ ամենը ապահովում էր Ռուսաստանը, իսկ Ռուսաստանին Հայաստանում սկսեցին վիրավորել: Հայաստանի միակ դաշնակիցը Ռուսաստանն է, իսկ մնացածը թշնամիներ են: Ինչո՞ւ դու, Նիկոլ Փաշինյան, 3 տարում չապահովեցիր Ղարաբաղը հակաօդային պաշտպանությամբ: Լավ, նախկին իշխանությունը գումար չուներ: Դու է՞լ չունեիր: Այդ ընթացքում, երբ դու իշխանության ղեկին էիր, չպետք է պատերազմից առաջ հանեիր գեներալներին: Պետք է աշխատեիր ժամանակակից սպառնազինությամբ բանակը հագեցնելու ուղղությամբ, հրթիռներ, ԱԹՍ-ներ գնեիր: Ես եկա ու ասացի, որ պետք է ԱԹՍ-ներ գնել, սակայն ոչինչ չարեցիք»,-եզրափակեց գեներալը:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Մնացածն էլ են գալու. այսպես է լինելու». Գևորգ Պապոյանը՝ 32 հայ գերիների վերադարձի գործընթացի մասին
ՔՊ խմբակցության պատգամավոր Գևորգ Պապոյանը չի տիրապետում...
Նախարար. «Զինապահ» հիմնադրամի կայքում հրապարակված են 44-օրյա պատերազմում զոհվածների բոլոր տվյալները
Ինչո՞ւ մինչև հիմա պաշտոնապես չեն հրապարակվել 44-օրյա պատերազմում զոհված մեր հերոսների անունները
Մոսկվայում Ադրբեջանի դեսպանը հանդիպել է Մեծ Բրիտանիայի դեսպանին և ասել, որ ամեն ինչում հայերն են մեղավոր
Ադրբեջանի դեսպանը արցախահայության դեմ ագրեսիան անվանել է․․․
Ադրբեջանի ԱԳՆ ղեկավարը հայտարարել է, որ «Արցախի հայերի դեմ ագրեսիայի մեղավորը Հայաստանն ու միջնորդներն են»
Նա Հայաստանին մեղադրել է «անտարբերության» և «վրեժխնդրության համար ժամանակ շահելու փորձի» մեջ, իսկ միջնորդներին՝ «կանխակալ մոտեցման»...
Պատերազմից 3 տարի անց ՀՀ տնտեսությունը կրկնապատկվել է, դիմադրողականությունը էապես մեծացել է. Քերոբյան
Մեր քաղաքականությունն այն է, որ Հայաստանը դառնա անհամեմատ ավելի բարձր դիմադրողական, ավելի զարգացած երկիր եւ կարողանանք հույսներս դնել մեզ վրա, ոչ…
Նրանց գործունեությունը Արցախի պետությունը վրաններում խողխողելու դասագրքային օրինակ է դառնալու. Սամվել Բաբայան
Սամվել Բաբայանը 44-օրյա պատերազմի և նոյեմբերի 9-ի հայտարարության առնչությամբ քրվարույթի շրջանակում չի հարցաքննվել…
Ամենաշատ