Apple-ի նոր գործառույթը, որը նախատեսված է վեբ-էջերը նայելիս օգտատերերի գաղտնիությունը լավ ապահովելու համար, հասանելի չի լինի Չինաստանում՝ iPhone արտադրողի ամենակարեւոր շուկաներից մեկում:
Apple-ը Համաշխարհային մշակողների համաժողովում (WWDC) ներկայացրել է iCloud+ անվանումով նոր ծառայությունը: Գործառույթներից մեկը՝ «Մասնավոր վերահեռարձակումն է (Private Relay): Երբ օգտվողները Safari-ի օգնությամբ ինտերնետ են նայում, նրանց տվյալներն ուղարկվում են երկու առանձին սերվերների միջոցով, որպեսզի թաքցնեն օգտագործողի ինքնությունը, եւ թե ինչ կայքեր են նրանք այցելում:
Արդյունքում, նույնիսկ Apple-ը կամ օգտագործողի ցանցի մատակարարը չեն կարող տեսնել այս տվյալները: Դա մի փոքր նման է վիրտուալ մասնավոր ցանցի (VPN), որտեղ օգտվողները կարող են իրենց ինտերնետային երթուղին կատարել աշխարհի այլ վայրում գտնվող սերվերի միջոցով՝ իրենց ինտերնետային գործունեությունը թաքցնելու համար:
Չինական Great Firewall-ը արդյունավետորեն հնարավորություն է տալիս իշխանություններին արգելափակել մուտքը դեպի Չինաստան, այդ թվում՝ Google-ի եւ Facebook-ի կայքեր: VPN-ները հաճախ օգտագործվում են Չինաստանի ինտերնետի խիստ վերահսկողությունը շրջանցելու համար:
Apple-ի ներկայացուցիչը CNBC-ին հայտնել է, որ Private Relay-ն չի աշխատի Չինաստանում եւ մի շարք այլ երկրներում, ներառյալ՝ Սաուդյան Արաբիան, Եգիպտոսը, Բելառուսը եւ Ուգանդան:
Apple-ը հայտարարել է, որ տեղական օրենքների պատճառով չի կարող նշված երկրներում առաջարկել այս հնարավորությունը:
Արգելափակված կայքեր մուտք գործելու համար չարտոնված VPN-ների օգտագործումը Չինաստանում անօրինական է: Թեեւ Apple Private Relay-ը տեխնիկապես VPN չէ, այն աշխատում է նույն կերպ:
