ԱՄՆ-ը պատրաստ է տեխնիկական աջակցություն ցուցաբերել Հայաստանի եւ Ադրբեջանի միջեւ սահմանագծման համար: Այդ մասին Բաքվում հայտարարել է Եվրոպայի եւ Եվրասիայի հարցերով ԱՄՆ պետքարտուղարի օգնականի պաշտոնակատար Ֆիլիպ Ռիքերը:
«Սահմանի գծանշումը շատ կարեւոր է: Այն օգտակար կլինի բոլորի համար: Գործընթացի մեկնարկի համար քաղաքական կամք է անհրաժեշտ: Բոլորս պետք է մտահոգվենք իրավիճակի սրացման հավանականությամբ: Երկու կողմերին կոչ ենք անում լուծել այս հարցը խաղաղ ճանապարհով եւ հնարավորինս շուտ, ինչպես նաեւ վերադառնալ առարկայական բանակցությունների ԵԱՀԿ Մինսկի խմբի նախագահության ներքո», - ադրբեջանական լրատվամիջոցները մեջբերել են Ռիքերին: