Ղարաբաղյան հակամարտության կարգավորման երեք սկզբունքներից երկուսը խախտվել են: Այս մասին Վլադիմիր Սոլովյովին տված հարցազրույցում հայտարարել է վարչապետի թեկնածու, ՀՀ ԱԱԾ նախկին պետ Արթուր Վանեցյանը:
«Ղրիմն ո՞ւմն է»,-հարց է ուղղել Սոլովյովը:
«Ղրիմը մերն է»,-հայտնի արտահայտությամբ պատասխանել է Վանեցյանը: «Ձե՞րը՝ հայկակա՞ն»,-հարցրել է Սոլովյովը:
«Ավելի ճիշտ՝ ձերը: Ղրիմը ռուսական է: Ղրիմի բնակիչնրը քվեարկության ճանապարհով հայտարարել են Ռուսաստանին միանալու ցանկության մասին: Ղրիմի ժողովրդի կամքը աներերուն է: Վստահ եմ, որ Ղրիմը ռուսական է: Սակայն զուգահեռներ անցկացնենք: Արցախի ժողովուրդը եւս ինքնորոշվել է հանրաքվեի միջոցով: Սակայն, ցավոք, Արցախի ժողովրդի կամքը դեռ չի իրականացվել՝ չնայած Ռուսաստանի եւ այլ երկրների աջակցության: Վերջին պատերազմը ցույց տվեց, որ Ղարաբաղյան հակամարտության կարգավորման երեք սկզբունքներից՝ ուժի չկիրառում, ժողովուրդների ինքնորոշման իրավունք, տարածքային ամբողջականություն, երկուսը՝ ինքնորոշման իրավունք եւ ուժի չկիրառում, խախտվել են»,-ասել է Արթուր Վանեցյանը: