«Ազատություն» կուսակցությունն առաջարկում է ծրագիր. ՀՆԱ-ն՝ 25 մլրդ դոլար, ամենամյա տնտեսական աճը՝ 10-11%: Մեր բարեփոխումների համար կպահանջվի 10 մլրդ դոլար: Այս մասին այսօր՝ հունիսի 9-ին, հայտարարեց «Ազատություն» կուսակցության նախագահ Հրանտ Բագրատյանը:
նրա խոսքով՝ Հայաստանի տնտեսությունն այսօր սպառողական մոդել է, որը կարող է ապահովել արտադրական աճ, օրինակ՝ կանթամթերք, սակայն դրա հաշվին անհնար է կառուցել ճանապարհներ, գործարաններ, զենք արտադրել:
«1990-ին մենք մեր համար փամփուշտ էինք արտադրում, իսկ 2020-ին մենք պարտվեցինք: Մեկ շաբաթ անց մեր զինամթերքն ավարտվեց: Կա այլ տարբերակ, երբ պետությունը նախաձեռնում է այս կամ այն տնտեսական ճյուղի ստեղծում: Այդ դեպքում պետությունն ասում է՝ զարգացրա այդ բիզնեսը, արտոնություններ է տալիս: Այդ մոդելի իրականացման համար պետք է լավացնել ներդրումային հնարավորությունները, սուվերեն հիմնադրամ ստեղծել, ձեւավորել մասնագիտացված բանկային եւ հեշտացված հարկային համակարգ: Բացի այդ, պետք է ապամոնոպոլացնել բորսային հիմնադրամը, հրաժարվել ԱԱՀ-ից: Մենք ասում ենք՝ թող գնաճը լինի 5 տոկոսի մակարդակում, իսկ աշխատավարձերը բարձրանան 10 տոկոսով: Ցածր գնաճի պատճառով մենք կառուցվածքային փոփոխություններ չենք ունենա: Մեր մոդելով 5 տարում կավելացնենք նվազագույն աշխատավարձը մինչեւ ամսական 100-120 հազար դրամ: Այսօր տրանսֆերնտերը, որոնք ուղարկվում են Հայաստան, տնտեսությանը պետք չեն: Արդեն 4-րդ տարի է՝ ՀՀ-ից մոտ 200 մլն դոլար գնում է ԱՄՆ: Կապիտալ շուկան փակ է: Ներդրման միակ միջոցը բանկերում դեպոզիտներն են»,-ասաց Բագրատյանը:
Բագրատյանը նշեց ճանապարհների կառուցման անհրաժեշտությունը, ինչպես նաեւ ակտիվորեն ներգրավվել «Պարսից ծոց-Սեւ ծով» եւ « Մետաքսի ուղի» ծրագրերին:
«Շատ կարեւոր է, օրինակ, Սիսիանից Մեղրի ճանապարհահատվածի կառուցումը, որտեղ կլինի 9 թունել եւ 18 կամուրջ: Այդ ամենը կարժեն 1,5 մլրդ դոլար եւ կկրճատի ճանապարհը մինչեւ 40 րոպե: Բացի այդ, 5 տարում հնարավոր կլինի փակել ՀԱԷԿ-ը եւ փոխարինել այն նորով: «Զվարթնոց» օդանավակայանը պետք է վերածվի Դուբայի օդանավակայանի նման օդանավակայանի»,-պարզաբանեց Բագրատյանը:
Նրա գնահատմամբ՝ գյուղատնտեսության ոլորտում պետք է խթանել արտադրանքի արտահանումը, ֆերմերներին սուբսիդիաներ տրամադրել:
«Ընտրություններից հետո ծրագրով կարող եմ կիսվեմ ցանկացած ուժի հետ, բացի նրանից, որն այժմ իշխանություն է: Նրանց օրոք աղքատության մակարդակը 3 տարում աճեց մինչեւ 27 տոկոս, ծայրաստիճան աղքատությունը՝ 2,1 տոկոս: Դոլարային գնաճի ցուցանիշով Հայաստանը զբաղեցնում է ԱՊՀ երկրների շրջանում ամենաբարձր տեղը: Եթե այդ իշխանությունը կրկին գա, ապա տնտեսական աճ ընդհանրապես չենք ունենա: Այսօր Հայաստանն արժե 25 մլրդ դոլար, իսկ ՀՆԱ/պարտք հարաբերակցությունն աճել է մինչեւ 67 տոկոս»,-եզրափակեց կուսակցության նախագահը:
