News
Լրահոս
News
Երեքշաբթի
Հունիս 22
Տեսնել լրահոսը

ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանն այցելել է Թումո ստեղծարար տեխնոլոգիաների կենտրոն: Կենտրոնի տնօրեն Մարի Լու Փափազյանի ուղեկցությամբ նախարարի պաշտոնակատարը շրջայց է կատարել կենտրոնի դասընթացների սենյակներ,  աշխատարաններ, երաժշտական ստուդիա և կինոթատրոն։

Նախարարությունից NEWS.am-ին հայտնում են, որ Հայկ Չոբանյանը զրուցել է նաև Թումոյում սովորող պատանիների հետ, ծանոթացել կրթական և աշխատանքային ծրագրերին, ունկնդրել Թումոյի ուսանողական երաժշտական խմբի՝ «Թմբաթա»-ի ստեղծագործությունները, դիտել կենտրոնի ուսանողների ստեղծած անիմացիոն հոլովակները:

Նախարարի պաշտոնակատարն այցելել է նաև Թումոյում գործող «42 Երևան» ծրագրավորման միջազգային դպրոց, որն առաջարկում է անընդհատ թարմացվող, ոլորտի նորագույն պահանջներին համահունչ 100-ից ավելի նախագծեր:

Այնուհետև տեղի է ունեցել քննարկում, որի ժամանակ նախարարի պաշտոնակատարը ծանոթացել է կենտրոնի կողմից մշակվող և իրականացվող գիտահետազոտական կիրառական նոր նախագծերին ու նախաձեռնություններին:

Թումոյի զարգացման գծով տնօրեն Բեկոր Փափազյանը ներկայացրել է Թումոյի նոր կառուցվող ինժեներական և կիրառական գիտությունների համալիրի նախագիծը: Համալիրը տեղակայվելու է Երևանի Թումոյի կողքին՝ զբաղեցնելով 25,000 քմ մակերես, որը կհանդիսանա կրթությունն ու ձեռնարկատիրությունը միավորող, ինչպես նաև ուսանողներին, երիտասարդ մասնագետներին և տեղական ստարտափներին իրենց միջազգային գործընկերների հետ կապող ակտիվ համայնք:

Կենտրոնի տնօրեն Մարի Լու Փափազյանը ներկայացրել է գործող Թումո կենտրոնների և տուփերի առանձնահատկությունները և հավելել, որ այժմ նախատեսվում է նոր կենտրոններ հիմնել Կողբում ու Մասիսում, իսկ հաջորդ Թումո տուփը բացվելու է Սևան քաղաքում։ Նա նշել է, որ ներկայումս աշակերտների թիվը 1900 է և նախատեսվում է այն 60000-ի հասցնել:

Զրուցակիցները քննարկել են նաև կրթական մոդելի արտահանման, կոմերցիալիզացիայի և կայունության հետ կապված մի շարք այլ հարցեր:

Թումո կենտրոնի կողմից ֆրասնիացի մասնագետների հետ համատեղ իրականացվում է նաև հայկական հուշակոթողների 3D սքանավորում, որը հնարավորություն կընձեռի անհրաժեշտության դեպքում վերականգնման աշխատանքներ իրականացնել:

Կարևորելով Թումո կենտրոնի կողմից  իրականացվող ծրագրերը՝ Հայկ Չոբանյանը նշել է, որ նախարարությունը պատրաստակամ է աջակցելու հուշակոթողների 3D սքանավորման, կլաստերների ձևավորման, Թումո տուփերի տեղակայման, կենտրոնի կողմից իրականացվող գիտահետազոտական, կրթական ծրագրերին և նախաձեռնություններին:

Տպել
Կարդացեք նաև
Ամբողջը
Microsoft-ն անուղղակիորեն հաստատել է Windows 11-ի՝ համացանց արտահոսված տարբերակի օրիգինալ լինելը
Օպերացիոն համակարգն արտադրողականության մասով զիջում է ներկայիս Windows 10-ին...
ԱՄՆ նոր օրենսդրական փաթեթը կարող է ճանապարհ ստեղծել IT-հսկաների պառակտման կամ վերակազմակերպման համար
Հինգ օրինագիծ, որոնք պետք է ներկայացվեն քվեարկությանը հանձնաժողովում հաջորդ շաբաթ, կարող են ճանապարհ ստեղծել այնպիսի հսկաների պառակտման կամ վերակազմակերպման համար, ինչպես Google-ը, Facebook-ը, Apple-ն ու Amazon-ը...
Վիետնամը սոցցանցերում պահվածքի ազգային կանոններ է ներկայացրել
Օրենքն արգելում է հրապարակումներ, որոնք խախտում են երկրի պետական շահերը, տարածվում են պետական կազմակերպություններում, սոցցանցերում:
Աղբյուրներ. Եվրահանձնաժողովը մտադիր է ուսումնասիրել Google-ի թվային գովազդային պրակտիկան
վրահանձնաժողովի հետաքննությունը կարող է ամենամեծ վտանգը ներկայացնել Google-ի համար, որն անցյալ տարի 147 միլիարդ դոլար եկամուտ է ապահովել առցանց գովազդից...
Հնդկաստանում Twitter-ի ներկայացուցիչը ոստիկանություն է կանչվել` տեսանյութի վերաբերյալ պարզաբանումներ տալու համար
Խոսքը տեսանյութի մասին է, որում մի քանի տղամարդ, ըստ երեւույթին` հինդուիստներ, ծեծում են տարեց մահմեդական տղամարդուն եւ կտրում նրա մորուքը...
Մեկնարկում է տեխնոլոգիական մասնագիտություններով դասընթացների գրանցման գործընթացը
Հայտարարված մրցույթների արդյունքների ամփոփման արդյունքում ընտրվել են դասընթացների կազմակերպման և անցկացման համար լավագույն ծրագիրը…
Ամենաշատ