News
Լրահոս
News
Երեքշաբթի
Սեպտեմբեր 28
Տեսնել լրահոսը


Հայաստանի վարչապետի պաշտոնակատար Նիկոլ Փաշինյանի այն հայտարարության առնչությամբ, թե ես իբր նրան ասել եմ, որ «հողերն արդեն պետք է տաս», առաջարկում եմ Փաշինյանից պահանջել հրապարակել մեր խոսակցության ձայնագրությունը։ Այս մասին հունիսի 10-ի մամուլի ասուլիսում ասաց Հայաստանի առաջին նախագահ, Հայ ազգային կոնգրեսից վարչապետի թեկնածու Լեւոն Տեր-Պետրոսյանը։

Նա պարզաբանեց, որ խոսակցությունը եղել է Փաշինյանի տանը՝ վստահություն հայտնելով, որ վերջինը հաստատ ձայնագրել է խոսակցությունը։ «Թող ցույց տա։ Ես գնացել էի այնտեղ միայն մի բան ասելու։ Ինձ միշտ հետաքրքրել է մի հարց՝ ղարաբաղյանը։ Ես Փաշինյանին ասացի, որ ինքը պետք է ամրագրի, թե ինչ է ժառանգություն ստացել Սերժ Սարգսյանից ղարաբաղյան հարցում փաստաթղթերի տեսքով։ Նա հարցրեց, թե ինչ փաստաթղթի մասին է խոսքը։ Ես նրան կոչ արեցի նամակ գրել Հայաստանի ԱԳՆ ղեկավարին եւ պահանջել երկու օրվա ընթացքում ներկայացնել ղարաբաղյան կարգավորման իրավիճակը 2018թ. ապրիլի դրությամբ։ Ես նրան ասացի. եթե դու ավելի լավ լուծում բերես, քան Սարգսյանը, դա քեզ պատիվ կբերի, իսկ եթե ավելի վատ որոշում բերես, ապա դա քո խայտառակությունը կլինի»,- նշեց Տեր-Պետրոսյանը։

Առաջին նախագահը հիշեցրեց, որ նման քայլի ինքը գնացել էր դեռեւս 2008թ., երբ որոշել էր նախագահի թեկնածու առաջադրվել եւ ցանկացել ծանոթանալ իրավիճակին, որը ԵԱՀԿ ՄԽ համանախագահները ներկայացրել էին որպես վերջին փաստաթուղթ։ «Ես այն ժամանակ ասացի Հայաստանում ԱՄՆ ներկայացուցչին, որ ԵԱՀԿ ՄԽ համանախագահությունը հայտարարել էր, որ կողմերի միջեւ Մադրիդյան սկզբունքների շուրջ դրույթները (առաջին պլան) համաձայնեցված են 99 տոկոսով։ Ես խնդրեցի տեղեկացնել Մեթյու Բրայզային (ԱՄՆ-ից ԵԱՀԿ ՄԽ նախկին համանախագահ – խմբ.), որպեսզի նա թղթի վրա ցույց տա, թե ինչ է նշանակում այդ 99 տոկոսը, եւ որպեսզի նա կողմերին առաջարկի որպես պաշտոնական փաստաթուղթ։ Մինչ այդ ԵԱՀԿ ՄԽ-ն պաշտոնական փաստաթղթեր չէր ներկայացնում։ Առաջ նրանք բանակցություններ չէին վարում, գալիս էին պատրաստի փաստաթղթերով եւ դրանք ներկայացնում Հայաստանին, Ղարաբաղին եւ Ադրբեջանին։ Դա պետք էր ե՛ւ ինձ, ե՛ւ անգամ Սերժ Սարգսյանին, որպեսզի մենք արձանագրեինք, թե որ կետից սկսենք կարգավորումը։ Մեկ ամիս անց Բրայզան պաշտոնապես ներկայացրեց փաստաթուղթը»,- եզրափակեց առաջին նախագահը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երբ անջատում ես ԱԹՍ-ի կառավարման համակարգը, ընկնում է. մարդն էլ առանց գաղափարախոսության պարտվում է. Արկադի Կարապետյան
100 հատ Սու-30 բերեք, ոչինչ մի հարց չի լուծի, եթե ազգդ չի ուզում կռվել...
«Մամ ջան, քո սիրտն իմ հետ է, ինձ ոչինչ չի լինի»․ Ընկերոջ կյանքը փրկելիս զոհված Էդմոնի մահից հետո ընտանիքը որդի է ունեցել
Ասաց՝ պապ, գիտե՞ս քանի անգամ եմ մահվանից փրկվել․․․
Զինծառայողների ապահովագրության հիմնադրամի շահառուների թիվն ավելացել է եւս 26-ով
Զինծառայողների ապահովագրության հիմնադրամը ստեղծվել է հայրենիքի սահմանները պաշտպանելիս զոհված, անհետ կորած, զինհաշմանդամության 1-ին և...
«Էս երեխեքի արյունն այդ դավաճանների վզովն ա». Եռաբլուրը՝ պատերազմից մեկ տարի անց
Ասում են՝ չի կռվել, բայց սուտ են ասում, 42 օր կռվել է…
Լավրով. ԵԱՀԿ ՄԽ համանախագահները Երեւանի եւ Բաքվի հետ համաձայնեցրել են Ղարաբաղ աշխատանքային ուղեւորությունների վերսկսումը
2020թ. պայմանավորվածության գլխավոր արդյունքը Ղարաբաղի վերաբերյալ կայունությունն է..
ԵԽԽՎ բանաձևում Շուշիի Ղազանչեցոց Սուրբ Աստվածածին եկեղեցին կանվանվի Ղազանչեցոց/Ղազանչի
Եվրոպայի խորհրդի խորհրդարանական վեհաժողովի (ԵԽԽՎ) աշնանային նստաշրջանի լիագումար նիստում նախօրեին ընդունվել է 80 կողմ, 18 դեմ, 3 ձեռնպահ...
Ամենաշատ