Ճանապարհաշինության տեմպերը այժմ հեռու է նրանից, ինչ կար նախագահության շրջանում: Այս մասին Ալագյազ գյուղի բնակիչների հետ հանդիպման ժամանակ հայտարարեց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը:
«Երկրում աճի տեմպերը կազմում էր 22 -29%: Դա նշանակում է, որ աճում էր նաեւ մնացածը»,-նշեց Քոչարյանը:
Նրա խոսքով՝ այժմ երկրում կա երեք կարեւորագույն խնդիր. «Կառավարման ճգնաժամն ամենահեշտ լուծվող հարցն է: Սակայն ոչ մեր իշխանության համար: Նրանք ի վիճակի չեն լուծելու այդ հարցը»,-նկատեց Քոչարյանը:
Բնակիչների մտահոգությանը, թե կրճատվել է սուբսիդավորումը, վառելիք չի ստացվում, նախկին նախագահը նկատեց, որ դա իշխանության շնորհիվ է:
«Իշխանությունը խաչ է քաշել գյուղատնտեսության վրա»,-նշեց նախկին նախագահը:
Ալագյազ գյուղը հիմնականում բնակեցված է եզդիներով: «Ապրում ենք մի երկրում, որտեղ չենք մոռանում ազգային փոքրամասնությունների ավանդույթների մասին»,-ընդգծեց Քոչարյանը:
