Հինգ տարի հետո ռուս խաղաղապահները Ղարաբաղից ոչ մի տեղ չեն հեռանա: Այս մասին հունիսի 10-ին կայացած մամուլի ասուլիսում հայտարարեց ՀՀ առաջին նախագահ, Հայ ազգային կոնգրեսից վարչապետի թեկնածու Լեւոն Տեր-Պետրոսյանը:
Նրա խոսքով՝ մարդկանց 95%-ը սխալ պատկերացում ունի, որ հինգ տարի հետո ռուս խաղաղապահները կհեռանան Ղարաբաղից: Նա ընթերցեց 2020թ. նոյեմբերի 9-ի եռակողմ հայտարարության չորրորդ կետը. «Ռուսաստանի Դաշնության խաղաղապահ զորակազմը տեղակայվում է Հայաստանի զինված ուժերի դուրսբերմանը զուգահեռ: Ռուսաստանի Դաշնության խաղաղապահ զորախմբի գտնվելու ժամկետը 5 տարի է` հաջորդ 5 տարվա ժամանակահատվածների համար ավտոմատ երկարաձգմամբ, եթե կողմերից ոչ մեկը չի հայտարարում սույն դրույթի կիրառումը դադարեցնելու մտադրության մասին 6 ամիս առաջ»։
Տեր-Պետրոսյանը կոչ արեց խուճապ չառաջացնել, թե ռուս խաղաղապահները հեռանան: «Այդքան հե՞շտ է՝ կվերցնեն ու կհեռանան: Չէ որ հայտարարության մեջ գրված է։ Այսինքն Ադրբեջանը կարող է պահանջել, իսկ մենք ու ռուսները կարող ենք հեռանալ: Մենք պետք է ամեն ինչ անենք, որպեսզի Ղարաբաղի բնակչությունը չլքի Ղարաբաղը: Այս հարցում Ռուսաստանի եւ Հայաստանի շահերը 100%-ով համընկնում են, քանի որ եթե այնտեղ հայեր չլինեն, ռուսները պետք է հեռանան»,- եզրափակեց առաջին նախագահը:
