«Բարգավաճ Հայաստան» կուսակցությունը, իր առաջնորդ Գագիկ Ծառուկյանի գլխավորությամբ քարոզարշավ է իրականացնում Տավուշի մարզում:
Իջեւանում կայացած հանրահավաքում Գագիկ Ծառուկյանը նշեց, որ առաջնահերթ խնդիրն այսօր սահմանների անվտանգությունն է. «Այսօր այդ հարցը այլ լուծում չունի, մենք պետք է մեր ռուս բարեկամների հետ նոր ռազմաքաղաքական փաստաթուղթ ստորագրենք եւ սահմանը պահեն հայ եւ ռոեւս զինվորները: Այդ ժամանակ ոչ մի ճանճ չի կարա շարժվի, բոլորս վստահ ենք, այդ ժամանակ լիարժեք անվտանգ կլինենք: Իսկ մինչեւ սահմանը չապահովենք, տնտեսական հեղափոխություն, տնտեսական զարգացում չի կարող լինել»,-ասաց նա:
Անդրադառնալով տնտեսության վիճակին, Ծառուկյանն ասաց. «Սահմանամերձ բնակիչներին պետք է հնարավորություններ, արտոնություններ տան: Եթե իմ կառույցների կառավարիչները կարողանում են քայլեր անել, հնարավորություն տալ, օրինակ, եթե իմ կառավարիչը խաղողի մթերման գործով զբաղվում է, խաղողագործներին գարնանը ինքնարժեքով տրամադրում է դեղորայք, պարարտանյութ, շպալներ, ինչ-որ անհրաժեշտ է, իսկ աշնանը գալիս փակում է հոգ ու շնորհակալ, գնում է, հիմա պետությունը կարո՞ղ է կազմակերպել սահմանամերձ գոտում գյուղացիներին տրամադրել վառելիք, սերմ, մեխանիզմացիա, պարարտանյութ, իսկ վերջում էլ մարդու բերքն ընդունեն:
Գյուղնախարարությունը պետք է բացվի: Անծայրածիր անմշակ հողեր ունենք, սերմ տվող չկա, պարարտանյութ բերող չկա, մշակող չկա: Գյուղանախարարության կողքին պետք է լինեն 1-2 բանկեր, որոնք շատ ցածր տոկոսով պետք է սպասարկեն գյուղացիներին: Գյուղատնտեսական վարկերը այսօր 25 տոկոս է: Գյուղացին աշխատում է բանկերի համար»,-ընդգծեց Ծառուկյանը:
Նա նշեց, որ պետք է մինչեւ 3 մլն դրամի հասնող վարկերը ներել ամբողջությամբ. «Ես իրականությունն եմ ասում, ինչ-որ ասեմ, ոչ մեկը չի կարող հակադարձել:
