Իրանն ու Ադրբեջանը համաձայնագիր են ստորագրել Աստարա սահմանային գետի վրայով համատեղ կամուրջ կառուցելու մասին: Փաստաթուղթը ստորագրել են ԻԻՀ ճանապարհների եւ քաղաքաշինության նախարար Մոհամմադ Էսլամին ու ԱՀ փոխվարչապետ Շահին Մուստաֆաեւը:
Ըստ ստորագրված համաձայնագրի՝ Աստարա գետի վրայով 4,7 միլիոն եվրո արժողությամբ ճանապարհային կամրջի կառուցման նախագիծը համատեղ իրականացվելու է 12 ամսվա ընթացքում: Կողմերից յուրաքանչյուրի մասնաբաժինը 50 տոկոս է կազմում, հաղորդել է ԻՌՆԱ- ն:
Մուստաֆաեւը հավելել է, որ Ադրբեջանը, Իրանը եւ Ռուսաստանը մեծ նշանակություն են տալիս «Հյուսիս-հարավ» տրանսպորտային միջանցքի զարգացմանը եւ միջոցառումներ են ձեռք առնում դրա զարգացման համար:
