Միլիարդատերերի տիեզերական մրցավազքը հասնում է վերջնակետի: Amazon-ի եւ Blue Origin-ի ներկայիս ղեկավար Ջեֆ Բեզոսը հայտարարել է, որ մտադիր է տիեզերք բարձրանալ սեփական հրթիռով հուլիսի 20-ին: Եթե նրա մոտ ստացվի, նա կդառնա մասնավոր տիեզերական ընկերության առաջին սեփականատերը, որը հանդգնել այդ քայլին: Սակայն այդ դափնիները նրանից կարող է խլել ուրիշ միլիարդատեր, բրիտանացի Ռիչարդ Բրենսոնը: Շշուկներ են պտտվում, որ նա պատրաստվում է թռիչք կատարել իր տիեզերապլանում Բեզոսից երկու շաբաթ վաղ, գրում է HighTech+-ը:
Չստուգված տվյալները, որոնց մասին հաղորդում է BI-ը, ստացվել են տիեզերագնացությանը նվիրված Parabolic Arc բլոգի հեղինակ Դուգլաս Մեսյեից: Աղբյուրը, որը ցանկացել է անանուն մնալ, պատմել է նրան, որ Virgin Galactic ընկերությունը պատրաստվում է ուղարկել իր սեփականատեր Ռիչարդ Բրենսոնին փորձնական թռիչքի հուլիսի 4-ին:
Մեսյեի տվյալներով՝ ընկերությունը սկսել է նախագծել այդ ծրագրերն ավելի վաղ, քան Բեզոսը, երբ իմացել է, որ Blue Origin-ը պատրաստվում է New Shepard հրթիռի առաջին անձնակազմին ուղարկել: Դա տեղի է ունեցել մայիսի 5-ին: Իսկ Բեզոսը պատմել է տիեզերքի վերաբերյալ իր երազանքի մասին տեսաուղերձում մեկ ամիս անց՝ հունիսի սկզբում:
Insider-ի լրագրողները չեն կարողացել ստանալ Մեսյեի խոսքերի հաստատումը, սակայն Virgin Galactic-ի ներկայացուցիչները չեն հերքել այդ տեղեկատվությունը: «Ներկայում մենք չենք հաստատել մեր հաջորդ թռիչքի ամսաթիվը»,-հայտարարել են նրանք: Եւ հավելել են, որ Բրենսոնի թռիչքը կարող է կայանալ ամռանը, ինչպես նաեւ ծրագրի չորս մասնագետների՝ ընկերության աշխատակիցների փորձնական թռիչքը, որոնք կդառնան տիեզերապլանի ուղեւորները:
Ավելի վաղ ընկերությունը պնդում էր, որ Բրենսոնը կթռնի դեպի տիեզերք մասնագետներից հետո, սակայն այժմ փիառ-ծառայությունը լռում է՝ թռիչքներից որը կկայանա սկզբում:
«Հեշտությամբ կարելի է պատկերացնել այդպիսի փոփոխությունը, կամ որ Ռիչարդ Բրենսոնը կզբաղեցնի չորս աթոռներից մեկը, եթե ցանկանում է,-ասել է ԱՄՆ քաղաքացիական ավիացիայի դաշնային բյուրոյի կոմերցիոն տիեզերական թռիչքների ծառայության նախկին ղեկավար Ջորջ Նիլդը: Նա հավելել է, որ Բրենսոնն ավելի վաղ նույնպես հակում է ցուցաբերել ռիսկային արկածների նկատմամբ, դեռ ավելին, նա իսկապես հավատում է տիեզերական ծրագրին: Եւ հենց սեփականատիրոջ թռիչքը կծառայի որպես լավ գովազդ ապագա հաճախորդների համար:
