Մեր հողերի համար եմ ուզում ասել. եկեղեցու մոտ հենց մեր պոստի դիմաց ունենք հին հայկական գերեզմաններ. թուրքի տան հայաթը մեր պոստի դիմաց է, թուրքի տան հայաթում գերեզմանի քար ունենք: Այս մասին, այսօր՝ հունիսի 11-ին, Տավուշի մարզի Ոսկեպար գյուղում դիմելով վարչապետի պաշտոնակատար, ՔՊ-ի վարչապետի թեկնածու Նիկոլ Փաշինյանին, ասաց գյուղացիներից մեկը:
«Սովետի ժամանակ մերոնք ծախել են հողերը: 7-րդ դարի եկեղեցին մնացել է սահմանի վրա: Հենա սարի գլխին կանգնած են»,-ասաց նա:
Ի պատասխան Փաշինյանն արձագանքեց. «Երեւի մի օր գամ խոսենք, առանց կամեռաների, տեսնենք՝ դուք ինչ եք մտածում: Սահմանային ճշգրտումներ են եղել, մի տեղ վերցրել են, մի տեղ տվել են: Ոնց որ մեր երկրի շահերից բխում է, այդպես էլ պետք է անենք: Բայց ես կարծում եմ, որ պետք է սահմանների դեմարկացիա արվի, որ էդ խնդիրները չլինեն: Դա շատ բարդ ու ճակատագրական հարց է»: