News
Լրահոս
News
Երեքշաբթի
Սեպտեմբեր 28
Տեսնել լրահոսը


Տավուշի մարզի Աչաջուր գյուղի բանկիչների հետ հանդիպմանը վարչապետի պաշտոնակատար Նիկոլ Փաշինյանը որոշեց պատմել այն մասին, թե ինչ է տեղի ունեցել իր ու ԳՇ նախկին պետ Օնիկ Գասպարյանի միջև: Նշենք, որ Օնիկ Գասպարյանը ծնունդով Աչաջրից է:

«Այստեղ ընտանեկան պատմության էլեմենտ կա եւ ես պետք է հաշվետու լինեմ ձեզ, թե ինչ եղավ եւ ինու այդպես եղավ: Նախ գիտեք, որ ես վարչապետ եմ դարձել, Օնիկը եղել է ԳՇ պետի առաջին տեղակալ՝ գեներալ-մայորի կոչումով: Հետո իմ միջնորդությամբ նրան շնորհվել է գեներալ-լեյտենանտի կոչում, պատերազմի ժամանակ իմ նախաձեռնությամբ շնորհվել է գեներալ-գնդապետի կոչում:

Երբ ես միջնորդել եմ Օնիկին նշանակել ԳՇ պետ, ես նրան մի բան եմ ասել, ասել եմ՝ Օնիկ, էս պատմության մեջ ես մի բանից եմ վախենում: Ասել եմ՝ իմ կարծիքով դու նախկին իշխանությունների հետ ահագին ամուր կապեր ունես: Ինքն ասաց, որ այդտեղ խնդիր չկա, մի անհանգստացի, եւ ես նշանակել եմ:

Ես ուզում եմ, որ դուք իմանաք՝ ես Օնիկին վստահել եմ հարազատ ախպոր նման, նրա ասածները երբեք կասկածի տակ չեմ դրել: Նույնիսկ երբ ինքը նշանակված էր, հուլիսյան պատերազմի ժամանակ ԱԱԾ-ն ինձ մի դրվագի մասին ասաց, որ ինքը սխալ է զեկուցել: Ես ասացի, որ չեմ հավատում, բացառված է: Խոսեցինք իրար հետ, նա ասաց, որ երբեք սխալ չի զեկուցի, ես ասացի՝ քեզ եմ հավատում եւ քեզ եմ հավատալու: Այդպես եղել է մինչև պատերազմն ավարտվելուց հետո:

Պատերազմի ընթացքում եղել են դրվագներ, որ Արցախից եկել են ասել են, որ այս դրվագը սենց ա, ես զանգել եմ, հարցրել եմ Օնիկին: Մենք եկել ենք այն եզրակացության, որ պատերազմի դրվագներով պետք է լսեմ միայն իր ասածը: Ես համաձայնվել եմ դրա հետ:

Այս խոսակցությունը բացվել է երկու պատճառով: Մեկը նոյեմբերի 20-ի իրադարձությունների պատճառով: Այդ օրն Օնիկը գնում է Սյունիքի մարզ, հանդիպում է ունենում որոշ շրջանակների հետ, ինչ-ինչ պատճառներով ճանապարհին հեռախոսազրույց է ունենում Սերժ Սարգսյանի հետ: Այդ ժամանակ իմ մասին ասում են ամենավերջին բառերը, հետո պայմանավորվում են, որ պետք է իրար հետ հանդիպեն:

Այդ իրիկունը Օնիկն ասում է՝ ուզում եմ գալ մոտդ, ես ասում եմ՝ արի: Մենք հանդիպում ենք Կոնդի առանձնատանը: Ինքն ասում է՝ որոշում կայացրու, հրաժարական տուր: Ես ասում եմ՝ Օնիկ ջան, քանի օր չես քնել: Ասում է՝ 4-5 օր: Ես նրան խնդրում եմ գնալ քնել, հանգստանալ, խոսակցությունը մոռանալ:

Հետո կանչում ու ասում եմ՝ Օնիկ, ես քեզ անվերապահորեն վստահել եմ ու էլի ուզում եմ անվերապահորեն վստահել՝ հաշվի առնելով բազմաթիվ հանգամանքներ:

Ես ասացի՝ խոստանում եմ, կմոռանամ այդ պատմությունը, որ եկել, ինձ ասել ես՝ պետք է հրաժարական տամ:

Դրանից հետո զգում եմ, որ քաղաքական ազդեցություններ կա գլխավոր շտաբի նկատմամբ: Դրանից հետո ի հայտ են գալիս դրվագներ, որից ես համոզվում եմ, որ, իրոք,  շատ բաներ ինձ ճիշտ չի զեկուցվել: Դրա արդյունքում ի հայտ են գալիս խնդիրներ:

Ի վերջո էլի խոսակցություն է բացվում, որ ԳՇ-ն կարող է իմ հրաժարականը պահանջի: Ես նրան ասում եմ՝ Օնիկ ջան, նման բաներ ինձ հետ չի անցնելու: Ես էլի ասում եմ՝ պատրաստ եմ մոռանալ, դուրս արի այդ տրամաբանությունից: Ի վերջո, ինձ համար ակնհայտ է դառնում, որ ԳՇ-ն, քայլ-քայլ անցնում է ընդդիմության շարքերը: Մի հայտնի իրադարձությունից հետո եւ իրեն, եւ առաջին տեղակալ Տիրան Խաչատրյանին ազատել»,-ասաց Նիկոլ Փաշինյանը:

Վարչապետի պաշտոնակատարը խոսեց նաեւ Տիրան Խաչատրյանի մասին՝ նշելով. «Երբ Օնիկ Գասպարյանն ինձ ասել է, որ Տիրան Խաչատրյանին պետք է տալ ազգային հերոսի կոչում, որովհետեւ ինքը այնտեղ միջոցներ է ձեռնարկում, որ հակագրոհներ կազամկերպի, ես չեմ էլ քննարկել: Ասել եմ՝ եթե այսօր դա պետք է անեմ, որ ռազմի դաշտում հաջողություն ունենանք, ես դա քո ասածով կանեմ:

Այսօր Տիրան Խաչատրյանը վեր է կենում ու իմ հասցեին ամենավերջին բառերն է ասում: Եթե Տիրան Խաչատրյանը գտնում է, որ ես այդ մարդն եմ, թող իրեն տված հերոսի կոչումից հրաժարվի:

Եթե արժանապատիվ սպա է ու համարում է, որ իրեն հերոսի կոչում տվողը ոչ մի բան չի հասկանում, պետք է հրաժարվի այդ հերոսի կոչումից»,-ասաց նա:

«Հաջորդ դրվագը: Վերջերս լուրեր են տարածվում, թե նոյեմբերի 9-ին թուղթը ստորագրելիս ես մղվել եմ Տավուշի գյուղերի վերաբերյալ կետը ստորագրելուն ու Օնիկն է ինձ հորդորել, զգուշացրել, թույլ չի տվել այն այդ տարբերակով ստորագրել:

Իրականությունը ուղիղ հակառակն է եղել: 10 մարդու ներկայությամբ Օնիկն ասել է, որ պետք է ստորագրել: Այդ ժամանակ էլ ես չեմ մեղադրել, համարել եմ, որ նա պատերազմին մասնակցած մարդ է, ինքն էդպես է մտածել: Այդ պահին նա կարող է այդպիսի դիրքորոշում է ունեցել: Ես նրան մեղադրում եմ հիմա հակառակ լուրերը տարածելու համար: Ինչո՞ւ:

Եթե որևէ մեկն իրավունք ուներ ասելու, որ այդպես ստորագրեմ, ինքն էր, քանի որ ինքն է այստեղ այն տարիներին պատերազմին մասնակցել ու ոտքը կորցրել: Եթե իր գնահատականն այդ էր, ես չեմ ասել՝ ինչու ես նման բան ասում: Ես ուղղակի ասացի, որ դա բացառված է, այդպես չեմ ստորագրի ու այնպես ենք արել, որ այդ կետը դուրս գա:

Ինձ հիմա ուրիշ հարց է հետաքրքրում՝ ինչո՞ւ է հակառակ լուրը տարածում: Այդ փաստի վերլուծությունն ինձ լրիվ ուրիշ հետևությունների է բերում, որ կարո՞ղ է, որ ինքը ոչ թե ինչ-որ մտահոգությունների պատճառով էր ասում՝ ստորագրի, այլ մտածում էր, որ ինչքան վատը լինի այդ թուղթը, այնքան ավելի մեծ է հավանականությունը, որ դա քաղաքական պայթյուն կառաջացնի եւ կքշի կտանի մեր կառավարությանն ու ինձ: Այն ժամանակ նման բան մտքովս չի անցել, հիմա եմ հետահայաց այդպես մտածում»,-ասաց Փաշինյանը:

«Մի այդպիսի դրվագ էլ Շուշիի մասով կա: Երբ ինքն ինձ ասում էր, որ 150 մեքենաներով շարասյուն էր, մենք ասում էինք՝ խփեք, մեզ գիտե՞ք ինչ էին ասում: Ասում էին՝ մի քանի ավտոն ներկայացնում են որպես 150-200 ավտո»,-ասաց նա:

«Սա ընտանեկան խոսակցություն է, որը պետք է լինի այստեղ: Ես այդ հարաբերություններում անազնիվ բան չեմ արել: Ես սա ասում եմ ձեզ համար, ես գիտեմ, որ այդ հարցը ձեր ներսում կա: Ես այսօր ասում եմ, որ բոլոր բարոյական նորմերը պահել եմ, դուք դա պետք է իմանաք»,-հավելեց վարչապետի պաշտոնակատարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԽԽՎ դիտորդական հանձնաժողովի ղեկավար. Հայաստանի ընտրողների մոտ 25 տոկոսը ներկայացված չէ խորհրդարանում
Նրա խոսքով՝ միակ բացառությունը բավական բարձր անցումային շեմն էր՝ 5 տոկոս կուսակցությունների համար եւ 7 տոկոս կոալիցիայի համար։
«ՔՊ». Այս տարվա արտահերթ խորհրդարանական ընտրություններն ամենալեգիտիմն էին Հայաստանի պատմության մեջ
«Հաշվի առնելով այդ ամենը՝ ես ամբողջ պատասխանատվությամբ հայտարարում եմ...
ԱԺ արտահերթ ընտրություններին ընտրական հանցագործությունների մասին 16 գործ՝ 24 անձի վերաբերյալ, ուղարկվել է դատարան
ՀՀ գլխավոր դատախազությունը շարունակում է ներկայացնել 2021թ. հունիսի 20-ին կայացած ՀՀ Ազգային ժողովի արտահերթ ընտրությունների ողջ ընթացքում, ինչպես...
ՀՀ ԿԸՀ ղեկավար. Ընտրություններն անցկացվել են Ընտրական օրենսգրքի պահանջներին համապատասխան
Պատգամավորը, մասնավորապես, ԿԸՀ նախագահին խնդրեց ավելի բաց եւ հստակ հայտարարել, որ վերջերս Հայաստանում անցկացված համաժողովրդական ընտրությունները լիովին համապատասխանում էին օրենքի տառին...
Մուկուչյան. Արտահերթ ընտրությունների քվեարկության օրը ԿԸՀ-ն աննախադեպ հաքերային հարձակման է ենթարկվել
Նրա խոսքով` հարձակումները սկսվել են, երբ սկսվել էր էլեկտրոնային քվեարկության արդյունքների ամփոփումը, եւ ավարտվել են առավոտյան ժամը 3-ին...
«Ընտրությունների վրով 60 մանեթ փող են տվել»․ կաշա՞ռք Սյունիքի մարզպետարանից
Գորիսի համայնքապետը մարդկանց պարբերաբար է օգնություն տրամադրում…
Ամենաշատ