Մեծ Բրիտանիայի վարչապետ Բորիս Ջոնսոնը Ֆրանսիայի նախագահ Էմանուել Մակրոնի, Գերմանիայի կանցլեր Անգելա Մերկելի, ինչպես նաեւ Եվրահանձնաժողովի նախագահ Ուրսուլա ֆոն դեր Լյաենի եւ Եվրախորհրդի նախագահ Շառլ Միշելի հետ քննարկել է Հյուսիսային Իռլանդիայի վերաբերյալ արձանագրության կատարման հարցը։ Այս մասին տեղեկացնում է BBC News-ը։
«Նա բոլոր կողմերին պրագմատիզմի եւ փոխզիջման հստակ կոչ է հնչեցրել, բայց ընդգծել է, որ Բելֆասթի համաձայնագրի պաշտպանությունը բոլոր պարամետրերով առաջնահերթ խնդիր է»,- ասում է Դաուինգ սթրիթի ներկայացուցիչը։ Դաուինգ սթրիթ 10-ում հավաստիացրել են, որ Մերկելի հետ Հյուսիսային Իռլանդիայի վերաբերյալ բանակցություններում Ջոնսոնը «նշել է Մեծ Բրիտանիայի ինքնիշխանությունը եւ տարածքային ամբողջականությունը պահպանելու անհրաժեշտության մասին»։