Հայաստանին, հատկապես` պատերազմից հետո, շատ փող է պետք` կարճ ժամանակում ծնկից բարձրանալու համար: Այս մասին հունիսի 14-ին նախընտրական քարոզարշավի ժամանակ հայտարարեց «Հանրապետություն» կուսակցության ղեկավար, վարչապետի թեկնածու Արամ Սարգսյանը:
Երկրում, նրա խոսքով, անհրաժեշտ է օրենսդրական եւ հարկային պայմաններ ստեղծել` ներդրողների վստահությունը բարձրացնելու համար, որպեսզի նրանք վստահ լինեն կապիտալի պաշտպանության հարցում:
Նա նշեց, որ այդ խնդիրները` ինչպես օրենսդրության, այնպես էլ կոռուպցիայի տեսանկյունից, չեն լուծվել, այդ թվում` ներկայիս իշխանությունների կողմից: «Մենք կարեւոր ենք համարում ներդրումների ներգրավումը ոչ միայն սփյուռքահայերից, այլ ընդհանրապես արտաքին ներդրողներից»,- ընդգծեց Արամ Սարգսյանը:
Իր հերթին, «Հանրապետություն» կուսակցության պատգամավորի թեկնածու Արտակ Զեյնալյանը պարզաբանեց, որ ելակետայինը պետք է լինի լեռնահանքային արդյունաբերությունը, որը կբարձրացնի Հայաստանի գրավչությունը եւ ներդրումների ներհոսք կապահովի:
Նա հայտարարեց, որ մտադիր է ավելացնել դատավորների թիվը: «Դա թույլ կտա դատարաններին ավելի արագ քննել գործերը, ինչը նաեւ կբարձրացնի վստահությունը Հայաստանի նկատմամբ», - հավելեց Զեյնալյանը:
