ՆԱՏՕ-ի առաջնորդները կընդլայնեն իրենց «մեկը` բոլորի համար, բոլորը` մեկի» կոլեկտիվ պաշտպանության մասին դրույթի օգտագործումը` դրանում ներառելով նաեւ հարձակումները տիեզերքից, հաղորդում է AFP- ն:
ՆԱՏՕ-ի հիմնադիր պայմանագրի 5-րդ հոդվածում նշվում է, որ 30 դաշնակիցներից որեւէ մեկի վրա հարձակումը կհամարվի հարձակում բոլորի վրա: Մինչ այժմ դա վերաբերել է միայն ցամաքում, ծովում կամ օդումավելի ավանդական ռազմական հարձակումներին, իսկ վերջերս` կիբերտարածության մեջ:
«Այս գագաթնաժողովին մենք կպարզենք, որ, իհարկե, ցանկացած հարձակում տիեզերական կարողությունների վրա, ինչպիսիք են արբանյակները եւ այլն, կամ տիեզերքից հարձակումը կարող է 5-րդ հոդվածի իրագործման հանգեցնել», - ասաց ՆԱՏՕ-ի գլխավոր քարտուղար Յանս Ստոլտենբերգը:
Մոտ 2000 արբանյակ պտտվում է Երկրի շուրջ, որի կեսից ավելին շահագործում են ՆԱՏՕ-ի երկրները ՝ ապահովելով ամեն ինչ ՝ բջջային հեռախոսներից եւ բանկային ծառայություններից մինչև եղանակի կանխատեսում: Ռազմական հրամանատարությունն ապավինում է դրանցից որոշներին նավիգացման, կապի, հետախուզական տվյալների փոխանակման եւ հրթիռների արձակման հայտնաբերման հարցում:
2019-ի դեկտեմբերին ՆԱՏՕ-ի ղեկավարները հայտարարել էին, որ տիեզերքը Դաշինքի գործողությունների «հինգերորդ տարածքն» է` ցամաքից, ծովից, օդից եւ կիբերտարածությունից հետո:
