News
Լրահոս
News
Ուրբաթ
Հուլիս 23
Տեսնել լրահոսը

Իշխանությունը հեծնածների այս խմբակը 2018թ․-ին խոստանում էր տնտեսական հեղափոխություն, ՀՆԱ-ի տարեկան միջինը 9,5 տոկոս աճ, հիմա էլ՝ առնվազն 7 տոկոս։ Այս մասին իր հոդվածում գրել է ՀՅԴ-ական տնտեսագետ, «Հայաստան» դաշինքի նախընտրական ցուցակի պատգամավորի թեկնածու, տնտեսագետ, իրավագետ Թադևոս Ավետիսյանը:

Նա, մասնավորապես, նշել է. «Փոխարենը՝ ուղիղ այդ չափով ավելացրել են պետական պարտքը։

2018թ․-ի համեմատ 2020թ․-ին Հայաստանի Հանրապետության պետական պարտքն աճեց 815,5 միլիարդ դրամով կամ 27 տոկոսով, իսկ ՀՆԱ-ն՝ 10 անգամ պակաս չափով՝ 2,8 տոկոսով։

Իրենց համատարած տապալումների հետևանքով թռիչքաձև աճեց պետական պարտքի բեռը․ ապիկար կառավարում և տոտալ անպատասխանատվություն, անսահման պոպուլիզմ և անաշխատ պարգևատրումներ, պինցետով և օղիով COVID-19-ի «դեմ պայքար», հրահրված պատերազմ, խայտառակ պարտություն և այլն։ Այսպիսով գողացան նաև մեր երկրի զարգացման ապագա ներուժից։

2018թ․-ին խոստացել էին նաև օտարերկրյա ներդրումների բում։

Փոխարենը՝ նախորդ երեք տարիներին կապիտալը փախնում է երկրից։

2019թ.-ին նախորդ տարվա համեմատ օտարերկրյա ուղղակի ներդրումների ներհոսքը նվազել է 0,4 տոկոսով, իսկ ՕՈՒՆ-ի զուտ ներհոսքը՝ 41,9 տոկոսով, վերաներդրումները՝ 30 տոկոսով։ 2019թ.-ին Վրաստանում գրանցվել է շուրջ 6,5 անգամ ավել չափով ՕՈՒՆ-ի ներհոսք, քան Հայաստանում: Իսկ արդեն 2020թ․-ին արձանագրված բացասական մնացորդ՝ ՕՈՒՆ-ի արտահոսքը շուրջ 14 միլիոն ԱՄՆ դոլարով գերազանցեց ներհոսքին:

2018թ․-ին խոստացել էին աղքատության էական կրճատում, ծայրահեղ աղքատության վերացում։ Հիմա էլ են խոստանում՝ կրկնակի նվազեցնել աղքատությունը։

Փոխարենը՝ ահագնացող գնաճը խժռում է մարդկանց իրական եկամուտները։

2020թ․ հունվարի 1-ից հետո սննդամթերքի միջին գներն աճել են 13 տոկոսով, միջին կենսաթոշակը բարձրացել է 2 անգամ պակաս չափով։

Նվազագույն սպառողական զամբյուղի արժեքը 1,5 անգամ ավել է կենսաթոշակի միջին չափից, իսկ 2,5 անգամ՝ նվազագույն չափից։

2018թ․-ի համեմատ՝ 2019թ․-ին աղքատության մակարդակն աճեց 3 տոկոսային կետով՝ դառնալով 26,4 տոկոս։ Համաշխարհային բանկի գնահատմամբ 2020թ․-ին աղքատության մակարդակն աճել է 7 տոկոսային կետով։

Եկան իշխանության ամեն չորրորդ քաղաքացին էր աղքատ, հեռանում են՝ ամեն երրորդն է աղքատ։

Ժողովրդագրական բացասական միտումները ևս սաստկացել են։ 2020թ․-ին արդեն եղավ աննախադեպ բացասական արձանագրում՝ մահերը գերազանցեցին ծնվածների թվաքանակը։ Բնակչության բնական հավելաճի բացասական արձանագրումը շարունակվում է նաև այս տարի։ 2021թ․ հունվար-ապրիլին՝ 238-ով ավելի շատ մարդ է մահացել, քան ծնվել է, Հայաստանից շուրջ 78 հազարով ավելի շատ մարդ է մեկնել, քան ժամանել է։

2021թ․-ի հունիսի 21-ին բացվելու է բացվելու է նոր ճանապարհ՝ ԴԵՊԻ ՈՒԺԵՂ ՀԱՅԱՍՏԱՆ։

Հրատապ կասեցվելու է այս աղետալի անկումը, բուժելու ենք մեր վերքերը, ունենալու ենք ԱՐԺԱՆԱՊԱՏԻՎ խաղաղություն և ԹՌԻՉՔԱՁԵՎ զարգացում։

«Հայաստան» դաշինքի նշանակետն է՝  առաջին տարում ապահովել առնվազն 500 մլն ԱՄՆ դոլարի ներդրում, իսկ 5 տարում՝ առնվազն 3 միլիարդ դոլարի։

«Հայաստան» դաշինքը սոցիալական պաշտպանության քաղաքականության հիմքում դնելու է կենսապահովման նվազագույն բյուջեն՝ եկամուտների ինդեքսավորման գաղափարը։

Անապահով ընտանիքների աշխատունակ անձանց համար պետական լիարժեք աջակցությամբ ապահովելու ենք կայուն զբաղվածություն՝ արժանապատիվ վաստակով։

Մենք Հայաստանը դարձնելու ենք ապրելու և հայրենադարձության երկիր։

Հաջորդ երեխայի ծնունդը ընտանիքում դառնալու է զարգացման, սեփական երկրում ամրանալու իրական հնարավորություն։

Տպել
Կարդացեք նաև
Ամբողջը
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...
Թե ինչ եղանակով կլինի մանդատների փոխանցումը, հիմա քննարկվում է. Տիգրան Մուկուչյան
Ինչ վերաբերում է նրան, որ որոշ պատգամավորներ այս պահին կալանավորված են, Մուկուչյանը նշեց, որ դա խոչընդոտ չէ իրենց մանդատները ստանալու համար…
ԿԸՀ-ն որոշեց. ԱԺ առաջին նստաշրջանը կգումարվի օգոստոսի 2-ին, ժամը 10-ին
ԿԸՀ նախագահ Տիգրան Մուկուչյանը նշեց, որ ըստ օրենսդրության պահանջների, ԱԺ արտահերթ ընտրության դեպքում առաջին նստաշրջանը հրավիրվում է նորընտիր...
Ամենաշատ