News
Լրահոս
News
Երեքշաբթի
Մարտ 19
Տեսնել լրահոսը

Արցախի դեմ Ադրբեջանի կողմից սանձազերծված լայնածավալ պատերազմը՝ միջազգային ահաբեկիչ-մարդասպանների եւ Թուրքիայի օգնությամբ, բավականին վտանգավոր ռազմաքաղաքական կոնֆիգուրացիա ստեղծեց տարածաշրջանում: Հունիսի 14-ին այս մասին Լազարեւյան ակումբի հերթական հանդիպման ժամանակ ասել է Արցախի նախկին նախագահ Բակո Սահակյանը: «Այս ագրեսիայի հետեւանքով գրավվեց Ղարաբաղի տարածքի մոտ 70%-ը, հազարավոր երիտասարդներ, պաշտպանելով իրենց հայրենիքը, սպանվեցին, հարյուրավորներն անհետ կորան, իսկ ոմանք էլ մինչ այժմ գերության մեջ են Ադրբեջանում: Հազարավոր մարդիկ փախստական են դարձան»,- ասել է Սահակյանը: Նա նաեւ ուշադրություն է հրավիրել այն բանի վրա, որ Ադրբեջանը եւ Թուրքիան նույնիսկ չեն թաքցնում, որ մտադիր են շարունակել իրենց զավթողական քաղաքականությունը` դրանով իսկ խարխլելով անվտանգության տարածաշրջանային համակարգը: «Ակնհայտ է, որ այս մարտահրավերներին մենք պետք է համատեղ ջանքերով դիմակայենք»,- ասել է նա:

Այս համատեքստում Սահակյանը հիշեցրել է Ռուսաստանի ներդրումը տարածաշրջանային անվտանգության ապահովման գործում: Նրա խոսքով, Ռուսաստանի հետ հարաբերությունները մեր ողջ պատմության ընթացքում ունեցել են եւ ունեն հատուկ նշանակություն: Մասնավորապես, նա անդրադարձել է Ղարաբաղում ռուս խաղաղապահների դերին:

«Ես կարծում էի եւ կարծում եմ, որ հայ-ադրբեջանական հակամարտությունը չի կարելի դիտարկել որպես զուտ տարածաշրջանային հակամարտություն»,- ասել է Սահակյանը: Սա, նրա կարծիքով, իրական գլոբալ հակամարտություն է, եւ այս հակամարտության մեջ կան նույնպիսի գլոբալ շահեր:

 

!
Այս նյութը հասանելի է նաև   English and Русский
Տպել
Ամենաշատ