ԱՄՆ նախագահ Ջո Բայդենի մամուլի ֆոնդի լրագրողները, ովքեր նրա հետ մեկնել էին ուղեւորության Եվրոպայով, սպասել են գրեթե երկու ժամ, մինչեւ կկարողացել են հասնել ամերիկացի առաջնորդի հանդիպմանը նրա թուրք գործընկերոջը` Թայիփ Էրդողանի հետ՝ Սպիտակ տան ղեկավարի` ՆԱՏՕ-ի գագաթնաժողովում աշխատանքի մասին տեղեկություններ ստանալով Թուրքիայի նախագահի Twitter-ից, հաղորդում է ՏԱՍՍ-ը:
Ինչպես նշվում է Բայդենի մամուլի կենտրոնի տարածած հաղորդագրության մեջ, լրագրողներին ասվել է, որ նրանք կկարողանան նկարահանել բանակցությունների սկիզբը: Սակայն իրականում նրանք սպասում էին դահլիճի մոտ, որտեղ պետք է տեղի ունենար հանդիպումը, գրեթե երկու ժամ՝ 112 րոպե: Այն մասին, որ բանակցությունները սկսվել են, նրանք իմացել են Թուրքիայի նախագահի Twitter-ի պաշտոնական հաշվից: Արդյունքում, ամերիկյան մամուլի ներկայացուցիչներին թույլատրվել է մտնել հանդիպումների սենյակ, երբ հանդիպումն արդեն ավարտված էր, եւ հանդիպումը բացող որեւէ հայտարարության մասին խոսք լինել չէր կարող: Բայդենը, սակայն, ասել է, որ «հանդիպումը շատ լավն էր», բայց երբ մամուլի ներկայացուցիչներից մեկը նկատեց, որ նախագահի ձայնը չի լսվում, նա պատասխանեց, որ ինքը ոչինչ չի ասել:
Նախագահի աշխատակազմի աշխատանքի նման կազմակերպումն արտասահմանյան առաջնորդի հետ հանդիպմանը վրդովմունք է առաջացրել ամերիկյան մամուլում: «Բայդենն արտերկրում է` խթանելու ժողովրդավարության պայքարն ավտոկրատիայի դեմ: Բայց ամերիկյան մամուլը, որը գործող ժողովրդավարության կարեւորագույն տարրն է, աշխատանքի նվազագույն հնարավորություններ է ստացավ նախորդ վարչակազմերի ժամանակահատվածի համեմատ: Եվ ես պետք է ապավինեմ Թուրքիայի կառավարության հաղորդագրություններին Twitter-ում»,- գրել է դռան առջեւ սպասելիս գրել էր The Washington Post-ի թղթակից Էշլի Փարքերը:
