News
Լրահոս
News
Չորեքշաբթի
Օգոստոս 04
Տեսնել լրահոսը

Հայաստանի երկրորդ նախագահ Ռոբերտ Քոչարյանի եւ նախկին փոխվարչապետ Արմեն Գեւորգյանի գործով դատական նիստը հետաձգվեց։

Հիշեցնենք, որ նախորդ նիստերը կայացել էին մայիսին, այն էլ՝ միայն նրա համար, որպեսզի նիստը հետաձգվի երեք շաբաթով։ Իսկ ընդհանուր առմամբ նիստերը հետաձգվում են ավելի քան մեկ ամիս տարբեր պատճառներով։

Նիստը տեղի չի ունեցել Ռոբերտ Քոչարյանի բոլոր դատապաշտպանների, ինչպես նաեւ իր՝ Քոչարյանի բացակայության պատճառով։

Հայկ Ալումյանը դատարանին տեղեկացրել է, որ անառողջ է եւ չի կարող ներկա գտնվել։ 

Արամ Վարդանյանը տեղեկացրել է, որ մասնակցում է Ռոբերտ Քոչարյանի նախընտրական քարոզարշավին։

Արամ Օրբելյանը տեղեկացրել է, որ մասնակցում է մեկ այլ դատական նիստի։

Հովհաննես Խուդոյանը նույնպես տեղեկացրել է պատճառի մասին, բայց դատարանը տեղեկությունը չդիտարկեց, քանի որ այն հանձնվել էր փաստաբանի օգնականի անունից։

Դատախազ Պետրոս Պետրոսյանը դժգոհություն եւ փաստաբանների վարքագիծը քննարկելու մտադրություն հայտնեց հաջորդ նիստում, ինչպես նաեւ պահանջեց դատարանից միջոցներ ձեռնարկել։ Նման կարծիք հայտնեց Գեւորգ Բաղդասարյանը՝ փաստաբանների գործողությունները գնահատելով որպես վիրավորանք դատական համակարգին։ «Ներկայացված բոլոր հայտարարությունները վստահություն չեն ներշնչում։ Նման վարքագիծը ցուցադրում է վերաբերմունքը դատական համակարգի նկատմամբ»,- ասաց նա։

Խոսք խնդրելով՝ Արմեն Գեւորգյանը նկատեց, որ երկրում գլոբալ գործընթացներ են սկսվել, բայց դատախազությունը, ըստ երեւույթին, դրանք չի նկատում։ Նա հիշեցրեց, որ նախընտրական քարոզարշավ է ընթանում, այն տեւելու է ընդամենը 12 օր, եւ Քոչարյանի գլխավորած դաշինքը բազմաթիվ հանդիպումներ ունի, որոնց Գեւորգյանն ինքն էլ է մասնակցում։ «Դրա համար էլ կխնդրեի առանձնապես չտարածվեք»,- նկատեց Գեւորգյանը՝ նկատի ունենալով  Բաղդասարյանին։

Դատավորը տեղեկացրեց, որ ստացվել է միջնորդություն քրեական հետապնդման դադարեցման մասին, քանի որ մեղադրյալներն առաջադրվել են խորհրդարանի պատգամավոր, այդպիսով կարող են պատգամավորական անձեռնմխելիություն ստանալ։ Աննա Դանիբեկյանը փաստեց, որ կողմի բացակայության պայմաններում միջնորդությունը դիտարկվել չի կարող։

Հաշվի առնելով, որ հաջորդ նիստում կարող է դեռեւս չլինել պաշտոնական տեղեկություն մեղադրյալների կարգավիճակի մասին, դատավորը նիստը նշանակեց հունիսի 29-ին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քոչարյանի եւ Գեւորգյանի գործով դատախազը դատավորի բացարկի հիմք առայժմ չի տեսնում
Դատախազ Գեւորգ Բաղդասարյանը դատավոր Աննա Դանիբեկյանի բացարկի հիմք առայժմ չի տեսնում...
Ռոբերտ Քոչարյանի եւ Արմեն Գեւորգյանի գործով դատական ​​նիստը հետաձգվեց
Այս առնչությամբ նրա պաշտպան Էրիկ Ալեքսանյանը միջնորդություն էր ներկայացրել նիստը հետաձգելու մասին. իր պաշտպանյալը մասնակցում է Ազգային ժողովի նիստին...
Շարունակվում է Ռոբերտ Քոչարյանի եւ Արմեն Գեւորգյանի գործով դատական նիստը
Դատավարությունն ընթանում է երկարատեւ ընդմիջումից հետո...
Քոչարյանի եւ Գեւորգյանի գործով դատական նիստը հետաձգվել է մեկ ամսով
Դատարան են ներկայացվել փաստաթղթեր, որոնք հաստատում են նրանց անձեռնմխելիությունը որպես պատգամավորի թեկնածուներ...
Քոչարյանի եւ Գեւորգյանի գործով դատն ընդմիջվել է անձեռնմխելիության փաստաթղթեր ներկայացնելու համար
Դատախազներն ուշացած ներկայացան դատին...
Ընթանում է Ռոբերտ Քոչարյանի եւ Արմեն Գեւորգյանի գործով դատական նիստը
Նախորդ մի քանի նիստեր հետաձգվել էին տարբեր պատճառներով...