Մեր նպատակն է հաղթել ընտրություններն ու ինքնուրույն կառավարություն ձեւավորել: Այս մասին ռուսական լրատվամիջոցներին տված հարցազրույցում ասել է ՀՀ վարչապետի թեկնածու, «Հայաստան» դաշինքի առաջնորդ Ռոբերտ Քոչարյանը՝ պատասխանելով հարցին, թե արդյոք դաշինքը կարող է կոալիցիա ձեւավորել:
«Մենք այժմ չեն խոսում կոալիցիաների մասին, ներկայիս իրավիճակը ցույց է տալիս մի շարք կուսակցությունների անորոշությունը, եւ հասկանալի չէ՝ ինչ կոնֆիգուրացիա կդասավորվի խորհրդարանու: Սակայն անհրաժեշտության դեպքում կգնանք ինչ-որ կոալիցիոն որոշումների»,-ասել է Քոչարյանը:
Բախումների հնարավորության մասին հարցին նա պատասխանել է, որ դա իրադարձությունների զարգացման անցանկալի զարգացում է, սակայն բացառել չի կարելի:
«Ամեն ինչ կախված կլինի ընտրությունների արդյունքներից: Եթե ընտրական հանձնաժողովն իր աշխատանքը արդար կատարի, օրենքի շրջանակում, ապա չեմ կարծում, որ լուրջ հետեւանքներ կլինեն»,-նշել է Քոչարյանը:
Նա նշել է, որ երկրորդ փուլի հավանականությունը փոքր է:
Պարզաբանելով «Հայաստան» դաշինքի նախընտրական ծրագրի տարբերությունները՝ Քոչարյանը նշել է, որ եթե խոսքը գործող իշխանության հետ մրցակցության մասին է, ապա նրանք ընդհանրապես ծրագիր չունեն: «Դա բավական տարօրինակ է, քանի որ իշխանությունը չի փորձում պատմել իր հաջողությունների կամ ձախողումների մասին: Ցանկացած ընտրություն դա հաշվետվություն է: Սակայն դրա մասին խոսք չկա: Այսօրվա անհաջողությունների մեջ նրանք մեղադրում են նախկին իշխանություններին, ընդ որում՝ բոլորին: Կարծում եմ՝ նրանք տարված են 2018 թվականի իրադարձություններով՝ ազգային աջակցությամբ եւ սիրով: Եվ մնացել են այդ իրադարձությունների տպավորություն տակ»,-ասել է նախկին նախագահը:
«Այո, մենք քաղաքական բարեփոխումներ ենք ծրագրում: Մեր նպատակն է հավասարակշռության բերել իշխանության բոլոր ճյուղերը: Ես խոսել եմ այդ մասին, սակայն այսօր վարչապետն ավելի շատ լիազորություններ ունի, քանի նախագահը: Մենք մեր կաշվի վրա զգացինք՝ ինչ է չհավասարակշռված իշխանությունը»,-հավելել է Ռոբերտ Քոչարյանը: