Իհարկե, հարց է առաջանում` դա պատահականություն, համընկնում էր, թե՞ ոչ: Այս մասին ռուսական լրատվամիջոցներին տված հարցազրույցում ասել է ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը՝ պատասխանելով հարցին` արդյոք հարցեր է հարուցում գերիների փոխանցման բուն փաստը եւ ԱՄՆ գործոնը:
«Ինձ համար դժվար է գնահատական տալ, բայց ամենակարեւորն այն է, որ որոշակի թվով գերիներ վերադարձան: Սակայն խնդիրը շատ սուր է մնում: Մենք դեռ չգիտենք, թե քանի գերի եւ անհայտ կորած ունենք, եւ դեռ չգիտենք սպանվածների ճշգրիտ թիվը: Իշխանությունները դա կանխամտածված գաղտնի են պահում կամ պարզապես չեն տիրապետում այդ թվերին: Դա միանգամայն անհասկանալի եւ անբացատրելի է»,- ասել է Քոչարյանը: