Չեմ հավատում, որ կարելի է ծնկի եկած արժանապատիվ հարաբերություններ հաստատել հարեւանների հետ: Այս մասին Ավշարի բնակիչների հետ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը:
«Ինչպես ասում է ասացվածքը, հարեւանիդ չես ընտրում: Կա այն, ինչ կա: Բայց չեմ հավատում, որ կարելի է ծնկի իջած արժանապատիվ հարաբերություններ հաստատել: Նախ հարկավոր է ոտքի կանգնել, ամրանալ եւ միայն այդ ժամանակ խոսել արժանապատիվ հարաբերությունների մասին: Այլ ճանապարհ չկա»,- շեշտեց Քոչարյանը:
