News
Լրահոս
News
Երկուշաբթի
Օգոստոս 02
Տեսնել լրահոսը

ՆԱՏՕ-ի երկրների ամփոփիչ հայտարարությունը երեսպաշտության եւ երկակի ստանդարտների հստակ դրսեւորում է: Այս մասին ասվում է Աբխազիայի ԱԳՆ հայտարարության մեջ:

«Այս տարվա հունիսի 14-ին Բրյուսելում կայացած ՆԱՏՕ-ի գագաթնաժողովի արդյունքներից հետո հայտարարություն հրապարակվեց, որում նախանշված են Հյուսիսատլանտյան դաշինքին վերաբերող «բազմաբնույթ սպառնալիքները եւ աճող մարտահրավերները»: Հայտարարության 14-րդ պարբերությունից բխում է, որ ՆԱՏՕ-ի անդամ երկրները չեն մոռանում Վրաստանի տարածքային ամբողջականության եւ ինքնիշխանության «սկզբունքին» իրենց աջակցության մասին: 

ՆԱՏՕ-ի երկրների ամփոփիչ հայտարարությունը կրկին կեղծավորության եւ երկակի ստանդարտների դրսեւորում է, որոնք բնութագրական են դարձել Հյուսիսատլանտյան դաշինքի անդամների համար: Միեւնույն ժամանակ, Բրյուսելի դրական բնութագրերին արժանի երկրների շրջանակը առավել հաճախ սահմանափակվում է Եվրոպայի երկրներով եւ ԱՄՆ-ով, այսինքն՝ հենց ՆԱՏՕ-ի անդամներով: ՆԱՏՕ-ի «արժեքները» այս դեպքում գործում են բացառապես որպես հարմար գործիք «անցանկալի» կամ «այլախոհ» ժողովուրդների ու պետությունների խտրականության համար: Նման պետություններին «հակազդեցության» եւ «զսպման» համար նախատեսվում է նաեւ գագաթնաժողովի ժամանակ հայտարարված՝ դաշինքի ռազմական բյուջեի ավելացում:

ՆԱՏՕ-ի գագաթնաժողովի ամփոփիչ հայտարարության մեջ ավանդաբար կոչ է արվում Ռուսաստանին «դուրս բերել զորքերը Վրաստանից», հրաժարվել Աբխազիայի անկախության ճանաչումից եւ կատարել «հրադադարի մասին համաձայնագիրը»: Այս պահանջների անհեթեթությունն ակնհայտ է ցանկացած անաչառ դիտորդի համար, որը ծանոթ է 2008 թվականի օգոստոսին Հարավային Օսեթիայի եւ Աբխազիայի դեպքերին եւ Ռուսաստանի կողմից Աբխազիայի Հանրապետության եւ Հարավային Օսեթիայի Հանրապետության անկախության ճանաչմանը հաջորդած դեպքերին: Աբխազիայի Հանրապետության ճանաչման քաղաքական եւ իրավական ակտը լիովին համապատասխանում էր միջազգային իրավունքի նորմերին եւ սկզբունքներին եւ այլ պետությունների կողմից հաստատման ենթակա չէր: Պաշտպանության եւ անվտանգության ոլորտում Մոսկվայի եւ Սուխումիի երկկողմ համաձայնագրերը նույնպես չեն հակասում միջազգային իրավունքի նորմերին: Աջակցություն հայտնելով «Վրաստանի տարածքային ամբողջականությանը»՝ ՆԱՏՕ-ի երկրները սատարում են այն, ինչը դադարեց վերջապես գոյություն ունենալ որպես քաղաքական եւ իրավական իրողություն ՝ Սահակաշվիլու գլխավորած՝ Թբիլիսիի ռեժիմի հանցավոր գործողությունների արդյունքում դեռ 2008 թվականին:

Հյուսիսատլանտյան դաշինքի հայտարարության մեջ մեծապես կարեւորում է նաեւ Ժնեւի միջազգային քննարկումների ձեւաչափի գործունեությունը շարունակելու անհրաժեշտությունը: Միեւնույն ժամանակ, ՆԱՏՕ-ն՝ ԱՄՆ-ի գլխավորությամբ, իր գործողություններով խրախուսում է Ժնեւում Վրաստանի ոչ կառուցողական քաղաքական գիծը` հետաձգելու համար հակամարտության կողմերի միջեւ ուժի չկիրառման մասին փաստաթղթի ընդունումը եւ ստորագրումը:

Բացի այդ, դժվար թե Վրաստանի հետ ՆԱՏՕ-ի ռազմական համագործակցության զարգացումը նպաստի Թբիլիսիի խաղաղասեր քաղաքական գծին: Ավելի շուտ պետք է ակնկալել ճիշտ հակառակ արդյունքը` անկանխատեսելի հետեւանքներով: Նման արդյունքի կարող են հանգեցնել Վրաստանը Հյուսիսատլանտյան դաշինք ներգրավելու Վաշինգտոնի եւ Բրյուսելի ջանքերը:

Համոզված ենք, որ ՆԱՏՕ-ի խաղը Վրաստանի հետ կարող է լրջորեն վատթարացնել անվտանգային իրավիճակը Հարավային Կովկասում եւ վերջնականապես խաթարել մասնակիցների եւ միջազգային միջնորդների աշխատանքը Ժեւի քննարկումների շրջանակներում փոխընդունելի արդյունքի հասնելու ուղղությամբ», - ասվում է հայտարարության մեջ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մոսկվան մտահոգված է Վրաստանում ՆԱՏՕ-ի Agile Spirit զորավարժություններով
«Մոսկվան ուշադրությամբ հետեւում է դրանց, եւ անհրաժեշտ բոլոր քայլերը կձեռնարկի՝ սեփական շահերը պաշտպանելու համար: Մենք տեսնում ենք, որ վերջին տարիներին ՆԱՏՕ-ի զորավարծությունների թիվն ավելացել է, դրանց մեծ մասը հակառուսական ուղղվածությամբ են, ինչը չի կարող մեզ մոտ օրինական մտահոգություններ չառաջացնել։ Բնականաբար, մենք հետեւում ենք եւ կձեռնարկենք բոլոր անհրաժեշտ միջոցները, այդ թվում՝ ռազմատեխնիկական բնույթի, որպեսզի հուսալիորեն պաշտպանենք մեր շահերը»,-ասել է նա:
Թուրքիան Ադրբեջանի հետ քննարկում է Քաբուլի անվտանգությունն ապահովելու հարցը
Այդ մասին Ադրբեջանի, Պակիստանի եւ Թուրքիայի խորհրդարանների խոսնակների առաջին եռակողմ հանդիպման ժամանակ հայտարարել է Թուրքիայի Ազգային ժողովի խոսնակ Մուստաֆա Շենթոփը...
Էրդողանը հայտարարել է, որ Կիպրոսը չի կարող ՆԱՏՕ մտնել առանց Թուրքիայի համաձայնության
Եթե նայեք ՆԱՏՕ-ի փաստաթղթերին, ապա քանի դեռ մենք դրական պատասխան չենք տվել, Հարավային Կիպրոսի մուտքը ՆԱՏՕ ոչ մի պարագայում հնարավոր չէ...
ՆԱՏՕ-ն առաջին անգամ կարող է կին ղեկավար ունենալ
ՆԱՏՕ-ի գլխավոր քարտուղար Յենս Ստոլտենբերգը՝ Նորվեգիայի նախկին վարչապետը, պաշտոնը զբաղեցնում է 2014 թվականի հոկտեմբերից: Դաշնակիցները նրա պայմանագիրը երկարացրել են մինչեւ 2022 թվականը:
Ռազմական փորձագետ. Իշխանությունների քաղաքականությունը կարող է կործանարար հետեւանքներ ունենալ Հայաստանի համար
«Եթե ​​այսօր ՀՀ իշխանությունները թեկուզ տեսականորեն փորձեն շարունակել «եւ...եւ ...» սխալ քաղաքականության իրականացումը, ապա կարելի է արձանագրել, որ մոտ ապագայում մենք կարող ենք կորցնել Հայաստանի ինքնիշխանության ուժային բաղադրիչը...
Սպիտակ տանը մեկնարկել է Բայդեն-Մերկել հանդիպումը
ԱՄՆ-ի եւ Գերմանիայի միջեւ համագործակցությունը ամուր է, եւ մենք մտադիր ենք շարունակել այն: Վստահ եմ, որ այդպես էլ կլինի...