Շվեյցարիայի նախագահ Գի Պարմելենը մատնանշել է Ռուսաստանի դրական դերը Լեռնային Ղարաբաղում հրադադարի հաստատման գործում եւ ակնկալում է այդ թեման բարձրացնել չորեքշաբթի Ռուսաստանի նախագահ Վլադիմիր Պուտինի հետ հանդիպման ժամանակ, հաղորդել է ՏԱՍՍ-ը:
«Հրադադարը, որը պահպանվում է Լեռնային Ղարաբաղի տարածաշրջանում, հաստատվել է Ռուսաստանի շնորհիվ», - ասել է Պարմելենը ԱՄՆ նախագահի հետ հանդիպումից հետո կայացած մամուլի ասուլիսում:
«Այս թեման առաջնային է: Մենք այն ընդգրկել ենք մեր վաղվա օրակարգում եւ հուսով ենք, որ այս հարցը կբարձրացվի քննարկման ընթացքում», - հավելել է Շվեյցարիայի արտաքին գործերի դաշնային դեպարտամենտի ղեկավար Իգնազիո Կասսիսը:
Ակնկալվում է, որ Պուտինը եւ ռուսական պատվիրակության անդամները Բայդենի հետ հանդիպումից հետո հունիսի 16-ին բանակցություններ կանցկացնեն շվեյցարական կողմի հետ: