News
Լրահոս
News
Երեքշաբթի
Հուլիս 27
Տեսնել լրահոսը

Նախքան խոսելը այն մասին, որ գյուղատնտեսության նախարարության բացակայությունը բացասաբար է ազդում ոլորտի վրա, պետք է թվերին նայել: Այս մասին հունիսի 15-ին լրագրողների հետ հարցազրույցում ասել է Հայաստանի էկոնոմիկայի նախարարի պաշտոնակատար Վահան Քերոբյանը: Գյուղատնտեսությունը, նրա խոսքով, այն ոլորտներից մեկն էր, որտեղ 2020 թվականին «լավ ցուցանիշներ» էին գրանցվել: «Այս տարի այս ոլորտում տպավորիչ աճ ենք ակնկալում, քանի որ 2019 թվականին մեկնարկած ծրագրերը արդեն «պտուղներ» են տալիս: Արդյունքները շոշափելի կլինեն նաեւ այս եւ հաջորդ տարիներին` ինչպես արտահանման ցուցանիշների, այնպես էլ գյուղատնտեսության համախառն արտադրանքի ծավալների առումով:    

Անցյալ տարի լուրջ աջակցություն է ցուցաբերվել սննդի արդյունաբերությանը, ինչի արդյունքում ոլորտի ներկայացուցիչները կկարողանան հնարավորինս մեծ քանակությամբ գյուղմթերք ձեռք բերել: Ծրագրեր են իրականացվել նաեւ ինտենսիվ պտղատու այգիների հիմնման ոլորտում: Գյուղատնտեսության ծավալները ինձ չեն բավարարում, քանի որ այս ոլորտն արտադրողականության առումով ամենացածրերից մեկն է: Մենք պետք է ամեն բան անենք, որպեսզի գյուղատնտեսության ոլորտում աշխատող մարդիկ աղքատությունից դուրս գան եւ սկսեն արժանապատիվ ապրել», - նշել է նա: Հիշեցնենք, որ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը նախընտրական արշավի ընթացքում բազմիցս քննադատել է իշխանություններին՝ գյուղատնտեսության նախարարությունը լուծարելու համար, ինչը բացասաբար է ազդել արդյունաբերության վրա:

!
Այս նյութը հասանելի է նաև   Русский
Տպել
Ամենաշատ