News
Լրահոս
News
Ուրբաթ
Մարտ 29
Տեսնել լրահոսը

Իսրայելի ռազմաօդային ուժերը Գազայի հատվածում հարվածներ են հասցրել «ՀԱՄԱՍ» շարժման մի քանի թիրախների ուղղությամբ, հաղորդում է «ՌԻԱ Նովոստի»-ն:

Հարվածներն ուղղված էին Պաղեստինյան անկլավի հարավ-արեւմտյան մասում գտնվող Գազա քաղաքի տարածքում եւ Խան Յունիս քաղաքում գտնվող թիրախների վրա:

Իսրայելի պաշտպանության ուժերը հաստատել են հարվածների մասին տեղեկությունները:

Ավելի վաղ իսրայելական բանակի ներկայացուցիչը հայտնել էր, որ Գազայի հատվածից պայթուցիկ նյութերով օդապարուկներ են արձակվել սահմանի մոտակայքում գտնվող իսրայելական բնակավայրերի ուղղությամբ, եւ բանակը մտադիր է արձագանքել:

Մայիսի 21-ի գիշերն ուժի մեջ մտավ զինադադարն Իսրայելի ու Գազայի հատվածի միջեւ:

Իրավիճակն ընդհանուր սահմանին սրվել էր մայիսի 10-ին: Մոտ րկու շաբաթում Գազայի հատվածից ավելի քան 4.3 հազար հրթիռ արձակվեց Իսրայելի ուղղությամբ, դրանցից շուրջ 640-մ ընկավ անկլավի տարածքում: Իսրայելում զոհվել է 12 մարդ, ավելի քան 50-ը ծանր վիրավորվել են: Իսրայելական պատասխան օդային հարվածների արդյունքում սպանված պաղեստինցիների թիվը կազմել է 253, վիրավորվել է ավելի քան 1.9 հազար մարդ:

Սրացման պատճառն Իսրայելի դատարանի հերթական որոշումն էր` կապված Արեւելյան Երուսաղեմի Շեյխ Ջարահ թաղամասում պաղեստինյան ընտանիքներին իրենց տներից վտարելու մասին, որից հետո այլ պաղեստինցիներ եկան նրանց աջակցելու: Իսրայելական ոստիկանությունը սկսեց բռնի ցրել պաղեստինցիներին, ովքեր եկել էին աղոթելու Երուսաղեմի Ալ-Աքսա մզկիթում, ինչից հետո «ՀԱՄԱՍ» շարժումը սկսեց հրետակոծել Իսրայելը Գազայի հատվածից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իսրայելական տանկի անձնակազմը հոկտեմբերին Լիբանանում սպանել է Reuters-ի թղթակցին. Reuters
Իսրայելական տանկի անձնակազմը սպանել է թղթակցի...
Իրաքում «Ալ-Հաշդ ալ-Շաաբի»-ի շտաբի վրա անօդաչու թռչող սարքի հարձակման հետևանքով երկու մարդ է զոհվել և վեցը վիրավորվել
Բաղդադից արևելք գտնվող իրաքյան աշխարհազորային «Ալ-Հաշդ ալ-Շաաբի»-ի…
Անօդաչու թռչող սարքը հարված է հասցրել Հյուսիսային Իրաքում գտնվող ամերիկյան ռազմաբազային. Sky
Հարձակման պատասխանատվությունը ստանձնել է «Իրաքի իսլամական դիմադրությունը»...
ՄԱԿ-ը հայտարարել է, որ հարավային Լիբանանում ռազմական իրավիճակը դուրս է գալիս վերահսկողությունից
Սահմանամերձ շրջաններում ռազմական իրավիճակի վերահսկողությունից դուրս գալու վտանգավոր միտում կա...
Իրաքի արեւմուտքում գտնվող ԱՄՆ ռազմակայանը նորից ենթարկվել է անօդաչուի գրոհին
Անօդաչուն կրկին գրոհել է ամերիկյան ռազմակայանն Իրաքի արեւմուտքում...
Իրաքի նախագահը հայտարարել է, որ կկանչի Թուրքիայի դեսպանին Իրաքի տարածքին հասցված ավիահարվածների առնչությամբ
Իրաքի նախագահը կկանչի Թուրքիայի դեսպանին...
Ամենաշատ