Կրթության ֆինանսավորումը պետք է ավելացվի: Այս մասին Արթիկի բնակիչների հետ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը:
Քոչարյանին հարց է ուղղվել վերջին երեք տարva ընթացքում ֆինանսավորման հետեւողական կրճատումների վերաբերյալ: «Ես նույնիսկ չգիտեի, թե ինչն է պակասել: Դուք ինձ լրացուցիչ փաստարկ բերեցիք` իշխանություններին քննադատելու համար:
Օրենքը կա՛մ պետք է փոխել, կա՛մ չխախտել: Հակառակ դեպքում` չես հարգի: Եթե քաղաքականությունը փոխվել է, ապա նախ պետք է փոխել օրենքը: Բայց ներկայիս իշխանությունները դա չեն հասկանում: Իրականում հարցն ավելի լայն է: 2018-ին նրանք հարձակվեցին բանակի, կրթության եւ եկեղեցու վրա: Ինչ վերաբերում է ֆինանսավորմանը, կարծում եմ, որ անհրաժեշտ է վերականգնել, եւ ֆինանսավորումը պետք է ավելացվի»,- ասաց երկրորդ նախագահը: