Իսպանիայում բնապահպանական ակտիվիստները դատական հայց են ներկայացրել կառավարության դեմ, քանի որ անբավարար են համարում ածխածնի արտանետումների եւ կլիմայի փոփոխության վրա ազդող այլ գործոնների կրճատման հավակնությունները, հաղորդում է AP-ն:
«Գրինփիս»-ի ներկայացուցիչ Լորենա Ռուիս-Ուերտան հայտարարել է, որ այս տասնամյակի վերջին ջերմոցային գազերի արտանետումները 23%-ով կրճատելու Իսպանիայի ազգային ծրագիրը չի համապատասխանում Եվրամիության 55%-ով կրճատման նպատակին, որը անհրաժեշտ է, որպեսզի մինչեւ 2030 թվականը համաշխարհային ջերմաստիճանը չբարձրանա 1,5 աստիճանով՝ ըստ Ցելսիուսի:
«Կառավարությունը չի լսում գիտությանը, ինչպես նաեւ անտեսում է այն մարդկանց ձայնը, ովքեր ավելին են ուզում»,- Մադրիդի բարձրագույն դատարանի շենքի դիմաց ասել է Ռուիս-Ուերտան:
Կլիմայի ակտիվիստները դատական հայցեր են ներկայացրել ամբողջ աշխարհով մեկ՝ կառավարություններին կոչ անելով գլոբալ տաքացումը զսպելու համար ավելի շտապ գործողություններ ձեռնարկել:
Այս տարվա սկզբին Մարդու իրավունքների եվրոպական դատարանը 33 կառավարությունների ստիպել է ապացուցել, որ նրանք կրճատում են ջերմոցային գազերի արտանետումները՝ համաձայն Փարիզի կլիմայի 2015 թվականի համաձայնագրի: