News
Լրահոս
News
Երեքշաբթի
Մարտ 19
Տեսնել լրահոսը

ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի 11.05.2021թ. NԿ269-Ա և 17.05.2021թ. NԿ289-Ա հրամաններով գեոդեզիայի և հողօգտագործման վերահսկողության վարչությունը 2021 թ․ մայիսի 13-26-ը ներառյալ ՀՀ հողային օրենսդրության պահանջների պահպանման նկատմամբ ստուգում է իրականացրել ՀՀ Սյունիքի մարզի Մեղրի համայնքում, որի արդյունքում արձանագրվել են հողային օրենսդրության պահանջների  մի շարք խախտումներ։ Այս մասին NEWS.am-ը տեղեկանում է ՔՀՏԱ տեսչական մարմնից:

Մասնավորապես,  համայնքում փաստաթղթերի ուսումնասիրությունից և տեղազննումից պարզվել է հետևյալը․

20.05.2019թ. Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի արդյունքներով  2  մասնակիցների պարագայում երկրորդ քայլով առավելագույն գինն առաջարկել է Վլադիմիր Ռաֆիկի Բայանդուրյանը և ճանաչվել հաղթող։ Հողամասի մեկնարկային գինը կազմել է 280 հազար հինգ հարյուր դրամ։ Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում հանգամանքը՝ առ այն, որ սկզբնապես առկա է եղել հողամասը Վլադիմիր Բայանդուրյանին օտարելու նպատակ։

Մեղրի համայնքի ղեկավարի 2018 թվականի նոյեմբերի 18-ի որոշմամբ՝ Շվանիձոր գյուղի 1-ին փողոցի 18 հասցեում գտնվող մանկապարտեզի շենքի զբաղեցրած և սպասարկման համար անհրաժեշտ հողամասից առանձնացվել է 0․18225 հա մակերեսով հողամաս, որին տրվել է 18/2 հասցեն։ 08.05.2019թ. կայացած աճուրդի արդյունքներով առանձնացված հողամասն օտարվել է Արտակ  Թումանյանին։ Թեև հրապարակային սակարկություններով կատարվել են բազմակի քայլեր աճուրդում առավելագույն գինն առաջարկելու նպատակով, սակայն հաշվի առնելով, որ հողամասն առանձնացվել է պետական գրանցում ունեցող մանկապարտեզի սպասարկման համար անհրաժեշտ հողամասից, արժանահավատ է դառնում այն հանգամանքը, որ սկզբնապես առկա է եղել հողամասն Արտակ Թումանյանին օտարելու նպատակ։

 24.05.2019թ. Մեղրի քաղաքի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում երկրորդ քայլով առավելագույն գինն առաջարկել է Ծովինար Առաքելյանը և ճանաչվել հաղթող։ Հողամասի մեկնարկային գինը կազմել է 124 հազար 890 դրամ։  Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում այն  հանգամանքը, որ սկզբնապես առկա է եղել հողամասը Ծովինար Առաքելյանին օտարելու նպատակ։

08.05.2019թ. Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի արդյունքներով 2  մասնակիցների պարագայում երկրորդ քայլով առավելագույն գինն առաջարկել է Վլադիմիր Բայանդուրյանը և ճանաչվել հաղթող։ Հողամասի մեկնարկային գինը կազմել է 355 հազար 760  դրամ։ Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում հանգամանքը՝ առ այն, որ սկզբնապես առկա է եղել հողամասը Վլադիմիր Բայանդուրյանին օտարելու նպատակ։ Ընդ որում՝ աճուրդի չհաղթող մասնակիցը կրկին Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի մասնակից Սամվել Կարապետյանն է։

11.04.2019թ. Մեղրի համայնքի Նռնաձոր գյուղի 1-ին փողոց 1/8 հասցեում առկա ընդերքօգտագործման և այլ նպատակային նշանակության հողամասի աճուրդի արդյունքներով 2 մասնակիցների պարագայում երկրորդ քայլով առավելագույն գինն առաջարկել է Նորայր Ավետիսյանը և ճանաչվել հաղթող։ Հողամասի մեկնարկային գինը կազմել է 76 հազար 280  դրամ։ Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում այն հանգամանքը, որ ի սկզբանե առկա է եղել հողամասը Նորայր Ավետիսյանին օտարելու նպատակ։

25.03.2019թ. Մեղրի համայնքի Կուրիս գյուղի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում երկրորդ քայլով առավելագույն գինն առաջարկել է Հովհաննես Պապյանը և ճանաչվել հաղթող։ Հողամասի մեկնարկային գինը կազմել է 1 միլիոն 585 հազար 253 դրամ։ Մասնակցի կողմից քայլ չանելու և հաղթողի կողմից 2-րդ քայլով առավելագույն գինն առաջարկելու պարագայում արժանահավատ է դառնում հանգամանքը՝ առ այն, որ նախապես առկա է եղել հողամասը Հովհաննես Պապյանին օտարելու նպատակ։

25.03.2019թ.Մեղրի համայնքի Գուդեմնիս գյուղի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում երկրորդ քայլով առավելագույն գինն առաջարկել է Հովհաննես Պապյանը և ճանաչվել հաղթող։ Հողամասի մեկնարկային գինը կազմել է 240 հազար 835  դրամ։ Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է այն հանգամանքը, որ  նախապես առկա է եղել հողամասը Հովհաննես Պապյանին օտարելու նպատակ։

02.04.2018թ. Մեղրի համայնքի Նռնաձոր գյուղի 1-ին փողոց 1/25 հասցեում առկա բնակավայրերի նպատակային նշանակության հողամասի աճուրդի արդյունքներով 2 մասնակիցների պարագայում երկրորդ քայլով առավելագույն գինն առաջարկել է Վաչիկ Չիթչյանը և հաղթող ճանաչվել։ Հողամասի մեկնարկային գինը կազմել է 541 հազար 824  դրամ։ Մասնակցի կողմից քայլ չանելու և հաղթողի կողմից 2-րդ քայլով առավելագույն գինն առաջարկելու դեպքում արժանահավատ է դառնում, որ  ի սկզբանե առկա է եղել հողամասը Վաչիկ Չիթչյանին օտարելու նպատակ։

20.05.2019թ. Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում 2-րդ քայլով առավելագույն գինն առաջարկել է Եղիշ Վլադիմիրի Բայանդուրյանը և ճանաչվել հաղթող։ Հողամասի մեկնարկային գինը կազմել է 417 հազար 648 դրամ։ Մասնակցի կողմից քայլ չանելու և հաղթողի կողմից 2-րդ քայլով առավելագույն գինն առաջարկելու պարագայում արժանահավատ է դառնում, որ սկզբնապես առկա է եղել հողամասը Եղիշ Բայանդուրյանին օտարելու նպատակ։  Ընդ որում՝ աճուրդի չհաղթող մասնակիցը կրկին եղել է  Մեղրի համայնքի Նռնաձոր գյուղի գյուղատնտեսական նպատակային նշանակության հողամասերի աճուրդների մասնակից Սամվել Կարապետյանը, իսկ հաղթող ճանաչված անձի հայրանվան և վկայակոչված համեմատական հողամասերի աճուրդների հաղթող հանդիսացող անձի անվան համադրումը առաջացնում է առաջին աստիճանի մերձավոր ազգակցական կապի վարկած։ 

20.05.2019թ. Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում 2-րդ քայլով առավելագույն գինն առաջարկել է Սիմոն Արտուշի Սիմոնյանը և ճանաչվել հաղթող։ Հողամասի մեկնարկային գինը կազմել է 75 հազար 600  դրամ։ Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում այն հանգամանքը, որ սկզբնապես առկա է եղել հողամասը Սիմոն Սիմոնյանին օտարելու նպատակ։

05.11.2018թ. Մեղրի համայնքի Նռնաձոր գյուղի գյուղատնտեսական նպատակային նշանակության հողամասի աճուրդի արդյունքներով 2 մասնակիցների պարագայում 2-րդ քայլով առավելագույն գինն առաջարկել է Խաչիկ Ալեքսանդրի Չիթչյանը և ճանաչվել հաղթող։ Հողամասի մեկնարկային գինը կազմել է 151 հազար դրամ։  Մասնակցի կողմից քայլ չանելու և հաղթողի կողմից երկրորդ քայլով առավելագույն գինն առաջարկելու պարագայում արժանահավատ է դառնում, որ սկզբնապես առկա է եղել հողամասը Խաչիկ Չիթչյանին օտարելու նպատակ։

Ելնելով վերոգրյալից՝ ՔՏՀԱ տեսչական մարմինը նշված խախտումներին իրավական գնահատական տալու և պատասխանատու պաշտոնատար անձանց պատասխանատվության ենթարկելու նպատակով դիմել է ՀՀ գլխավոր դատախազություն։

Տպել
Կարդացեք նաև
Ամբողջը
Պերուի դատախազությունը ժամացույցների հավաքածուի պատճառով նախագահին կասկածել է կոռուպցիայի մեջ
Պերուի գլխավոր դատախազությունը նախնական հետաքննություն է սկսել...
Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր
«ՎԱԶ 2106»-ի վարորդը աշխատում է ՀՀ Ներքին գործերի նախարարության  ոստիկանության Ջերմուկի բաժնում հերթապահ մասի...
Գեղարոտ-Ծիլքար ճանապարհին մեքենան դուրս է եկել երթևեկելի հատվածից և արգելափակվել ձյան շերտում
Մարտի 19-ին` ժամը 07:21-ին, Արագածոտնի մարզային փրկարարական վարչության...
Ավտովթար՝ Սիսիան-Գորիս ճանապարհին. Բախումից հետո «ՎԱԶ»-ում հրդեհ է բռնկվել. կա 4 զոհ. վիրավորի վիճակը ծանր է
Մարտի 19-ին, ժամը 05:40-ին Սյունիքի մարզային փրկարարական վարչության ճգնաժամային կառավարման կենտրոն...
Եղբայրներով ծեծել են տաքսու վարորդին, վնասել մեքենան. Նրանցից մեկը դանակահարել է տաքսու կին ուղեւորին
Կենցաղային հարցերի շուրջ վիճաբանությունն ավարտվել էր դանակահարությամբ. կան ձերբակալվածներ...
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել և կալանավորվել է. ՔԿ
ՀՀ քննչական կոմիտեի Սյունիքի մարզային քննչական վարչության Գորիսի քննչական…
Ամենաշատ