News
Լրահոս
News
Շաբաթ
Հոկտեմբեր 23
Տեսնել լրահոսը

Ջրի սակավությունն ու երաշտը այն մասշտաբի վնաս կհասցնեն, որը համադրելի կլինի COVID-19-ի համավարակի հետ, ընդ որում՝ ռիսկերը արագորեն կաճեն գլոբալ ջերմաստիճանի բարձրացմանը զուգընթաց, հայտնում է Thomson Reuters Foundation-ը:

«Երաշտը կարող է վերածվել հաջորդ համավարակի, եւ չկա դրա բուժման պատվաստանյութ»,- ՄԱԿ-ի զեկույցի հրապարակումից առաջ կայացած մամուլի ասուլիսում հայտարարել է աղետների ռիսկի նվազեցման հարցով ՄԱԿ-ի հատուկ ներկայացուցիչ Մամի Միզուտորին:

Ըստ զեկույցի՝ երաշտները 1998-2017թթ․ արդեն հանգեցրել են առնվազն 124 միլիարդ դոլարի տնտեսական կորուստների եւ առնչվել են ավելի քան 1,5 միլիարդ մարդու:

Բայց նույնիսկ այս թվերը, նրա խոսքով, «ամենայն հավանականությամբ, խիստ թերագնահատված են»:

ՄԱԿ-ի զեկույցում ասվում է, որ գլոբալ տաքացումը սաստկացրել է երաշտները Եվրոպայի հարավում եւ Աֆրիկայի արեւմուտքում: Միզուտորիի խոսքով՝ զոհերի թիվը «կտրուկ կաճի», եթե աշխարհը քայլեր չձեռնարկի:

Մոտ 130 երկրներ բարձր արտանետումների դեպքում այս հարյուրամյակում կարող են ենթարկվել երաշտի մեծ վտանգի: Եւս 23 երկրներ կբախվեն ջրի պակասի հետ՝ բնակչության աճի հետեւանքով, ընդ որում՝ 38 երկրներ կտուժեն երկու խնդիրներից էլ:

Միզուտորիի խոսքով՝ երաշտը, վիրուսի նման, երկար է տեւում, ունի լայն աշխարհագրական ընդգրկում եւ ուղղակիորեն է վնաս պատճառում: «Այն պարենային անվտանգության եւ սննդամթերքի գների բարձրացման պատճառով կարող է անուղղակիորեն ազդել այն երկրների վրա, որոնք իրականում երաշտ չեն ունենում»,- ասել է նա:

ՄԱԿ-ը ավելի հաճախակի եւ ուժեղ երաշտներ է ակնկալում Աֆրիկայի, Կենտրոնական եւ Հարավային Ամերիկայի, Կենտրոնական Ասիայի, Ավստրալիայի հարավի, Հարավային Եվրոպայի, Մեքսիկայի եւ ԱՄՆ-ի մեծ մասում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ում կանխատեսում են մինչեւ 2040 թվականը օվկիանոսներում պլաստիկե աղբի եռակի ավելացում
Նշվում է, որ «պլաստիկին բաժին է ընկնում ծովային աղբի 85 տոկոսը», եւ մինչեւ 2040 թվականը դրանով ծովային ավազանների աղտոտման ծավալը կավելանա գրեթե 3 անգամ․․․
Պուտինը համաձայն չէ Էրդողանի հետ ՄԱԿ-ի Անվտանգության խորհրդի վերաբերյալ հարցում
«Որովհետեւ, ըստ երեւույթին, նա կարծում է, որ Թուրքիան եւս կարող էր Անվտանգության խորհրդի մշտական անդամ լինել...
ՄԱԿ-ում մեկնաբանել են Էրդողանի ուղերձը` կազմակերպությունում բարեփոխումների անհրաժեշտության մասին
«ՄԱԿ-ում մեկնաբանել են Էրդողանի ուղերձը կազմակերպությունում բարեփոխումների անհրաժեշտության մասին...
ՄԱԿ-ը մարդկությանը մեղադրել է վնասակար վառելիքներից չափազանց մեծ կախվածության մեջ
15 խոշոր երկրներից շատերի իշխանությունները շարունակում են աջակցել մոլորակի համար վտանգավոր էներգիայի աղբյուրների նախագծերին...
Աֆրիկայի ավելի քան 100 միլիոն ծայրահեղ աղքատ մարդիկ վտանգված են կլիմայի փոփոխության արագացման պատճառով
«Ենթադրվում է, որ մինչեւ 2030 թ. մինչեւ 118 միլիոն ծայրահեղ աղքատ մարդիկ Աֆրիկայում ենթարկվելու են երաշտի, ջրհեղեղների եւ ծայրահեղ շոգի, եթե արձագանքի համարժեք միջոցներ չձեռնարկվեն», - ասել է Աֆրիկյան միության գյուղական տնտեսության եւ գյուղատնտեսության հարցերով հանձնակատար Խոսեֆա Լեոնել Կորեյա Սակոն…
ՄԱԿ գլխավոր քարտուղարը ԿԱՀ-ում բոլոր կողմերին կոչ է արել աջակցել հրադադարին
Գուտերեշը նաեւ կոչ է արել վերսկսել խաղաղության եւ հաշտության 2019թ․ քաղաքական համաձայնագիրը․․․
Ամենաշատ