News
Լրահոս
News
Չորեքշաբթի
Հուլիս 28
Տեսնել լրահոսը

Ամերիկյան B61 միջուկային ռումբերը, որոնք պահվում են Թուրքիայի Ինջիրլիք ավիաբազայում, պետք է հարուցեն նրանց առանձնակի տագնապը, ովքեր անհանգստացած են, որ միջուկային զենքը կհայտնվի ո՛չ այն ձեռքերում՝ հաշվի առնելով Թուրքիայում հեղաշրջումների փորձերի պատմությունը, Թուրքիայի նախագահ Էրդողանին ներքին աջակցության թուլացումը եւ Թուրքիայի էլ ավելի անկայուն արտաքին քաղաքականությունը։ Այս բոլոր եւ այլ պատճառներով ԱՄՆ-ը պետք է դուրս բերի իր միջուկային զենքը Թուրքիայից, գրում է The National Interest-ը։

Սառը պատերազմի ժամանակ ԱՄՆ-ը B61 մարտավարական միջուկային գրավիտացիոն ռումբ տեղակայեց ՆԱՏՕ երկրներում, որպեսզի կոմպենսացնի խորհրդային սովորական զինված ուժերի թվացյալ գերազանցությունը եւ «ընդլայնի» միջուկային զենք չունեցող դաշնակիցների զսպումը։ Չնայած խորհրդային ներխուժման սպառնալիքը վաղուղ անցել է, պահպանվում է ռիսկն այն բանի, որ B61-երը կհայտնվեն օտար ձեռքերում կամ առաջ կբերեն միջուկային հարվածների փոխանակում։

Ի պատասխան 2016թ. պետական հեղաշրջման փորձի՝ թուրքական կառավարությունը փակեց օդային տարածքն Ինջիրլիքում, անջատեց բազայի էլեկտրաէներգիայի մատակարարումը եւ ձերբակալեց բազայի թուրք հրամանատարին իբր հեղաշրջմանը մասնակցելու եւ բազան այն ինքնաթիռների լիցքավորման համար օգտագործելու պատճառով, որոնք ուղղվել էին խորհրդարանի դեմ։ Հաշվի առնելով, որ Էրդողանը բախվում է ուժգնացող քաղաքական եւ տնտեսական ճգնաժամի, իսկ Թուրքիայի ռազմաքաղաքացիական հարաբերությունները, ինչպես երբեք, լարված են, չի կարելի բացառել ապագա դավադրությունների հնարավորությունը՝ ուղղված ռումբերի ձեռքբերմանը։

Անգամ առանց հաշվի առնելու Թուրքիայում միջուկային զենքի տեղակայման հետ կապված անվտանգային այս լուրջ խնդիրները՝ դրանք ոչ մի կերպ չեն համապատասխանում Միացյալ Նահանգների շահերին։

Թուրքիան այլեւս չունի ինքնաթիռներ, որոնք կարող են B61 տեղափոխել, եւ երկիրը թույլ չի տալիս ԱՄՆ-ին մշտապես Ինջիրլիքում տեղակայել միջուկային զենքով ինքնաթիռներ։ Այլ խոսքով, եթե ԱՄՆ-ը երբեւէ մտադրվեր օգտագործել Ինջիրլիքի՝ B61-ով իր ինքնաթիռները, դրանք պետք է ընկնեին Թուրքիայում։ Դա, հավանաբար, խիստ սահմանափակում է Ինջիրլիքի միջուկային զենքի զսպիչ էֆեկտը։ Եվ որ ավելի վատ է՝ ամերիկյան ինքնաթիռների ժամանելը Ինջիրլիքում այլ պատճառներով, բարձր լարվածության շրջանում, կարող է ստիպել հակառակորդին հավատալ այն բանին, որ ԱՄՆ-ը պատրաստվում է միջուկային գրոհի եւ, գուցե, անգամ պատասխան միջուկային հարված կսադրի։

Կարճ ասած՝ Եվրոպայում, հատկապես Ինջիրլիքում տեղակայված B61-երը չեն ուժեղացնում ԱՄՆ եւ ՆԱՏՕ զսպիչ միջոցները։ ԱՄՆ եվրոպական հրամանատարության ղեկավարության խոսքով՝ Եվրոպայից միջուկային զենքի միակողմանի դուրսբերումը չի հանգեցնի «ռազմական բացասական հետեւանքների»։

Այնուամենայնիվ, ԱՄՆ-ը սկսել է 8 մլրդ դոլար արժողությամբ ծրագրի իրականացումը՝ ուղղված վաթսունամյա վաղեմության այդ ռումբերի ծառայության ժամկետի երկարացմանը, անգամ չնայած այն բանին, որ Եվրոպայի հասարակական եւ քաղաքական կարծիքը նախկինի պես ուղղված է ՆԱՏՕ միջուկային զենքի բաժանման դեմ։ Եվրոպայում ԱՄՆ միջուկային զենքի այս աճող դիմակայությունը կարող է վերաճել ՆԱՏՕ ավելի ընդհանուր դիմակայության եւ սպառնալիքի տակ դնել դաշինքի երկարաժամկետ կայունությունը։

Չնայած ՆԱՏՕ-ն, անկասկած, բախվում է լուրջ խնդիրների, հատկապես այն բանի հետ կապված, որ ձգտում է որոշել իր նպատակը սառը պատերազմի եւ Աֆղանստանում պատերազմի ավարտից հետո, դաշինքի ապագան եւ Թուրքիայի տեղը դրանում կախված չեն լինի երկրում հնացած միջուկային զենքի տեղակայումից, երկիր, որն անգամ դրանք տեղափոխելու ինքնաթիռներ չունի։

Ցավոք, ըստ երեւույթին նախագահ Բայդենը չի քննարկել այս կարեւոր հարցը Թուրքիայի նախագահի եւ ՆԱՏՕ պետությունների այլ ղեկավարների հետ այս շաբաթվա սկզբին տեղի ունեցած հանդիպման ժամանակ։

Ապագա հանդիպումների ընթացքում Բայդենը պետք է, առնվազն, աշխատի  Թուրքիայից անօգուտ եւ վտանգավոր B61-ը դուրս բերելու ուղղությամբ։ Սպառազինությունների վերահսկման մասին ցանկացած բանակցությունում պետք է հաշվի առնել Եվրոպայից ամերիկյան B61-երի դուրսբերումը՝ ռուսական մարտավարական միջուկային զենքի դուրսբերման դիմաց, որոնք տեղակայված են արեւելաեվրոպական եւ բալթյան ՆԱՏՕ անդամ պետություններում։

Թուրքիայից ԱՄՆ մարտավարական միջուկային զենքի դուրսբերումը պետք է լինի միայն մեկ քայլը ԱՄՆ միջուկային քաղաքականության վերիմաստավորման գործընթացում, ներառյալ 1,5 տրլն դոլար պոտենցիալ արժեքով միջուկային եռյակի բոլոր օղակների արդիականացման ընթացիկ ծրագրերի վերանայումը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիան Ադրբեջանի հետ քննարկում է Քաբուլի անվտանգությունն ապահովելու հարցը
Այդ մասին Ադրբեջանի, Պակիստանի եւ Թուրքիայի խորհրդարանների խոսնակների առաջին եռակողմ հանդիպման ժամանակ հայտարարել է Թուրքիայի Ազգային ժողովի խոսնակ Մուստաֆա Շենթոփը...
Էրդողանը հայտարարել է, որ Կիպրոսը չի կարող ՆԱՏՕ մտնել առանց Թուրքիայի համաձայնության
Եթե նայեք ՆԱՏՕ-ի փաստաթղթերին, ապա քանի դեռ մենք դրական պատասխան չենք տվել, Հարավային Կիպրոսի մուտքը ՆԱՏՕ ոչ մի պարագայում հնարավոր չէ...
ՆԱՏՕ-ն առաջին անգամ կարող է կին ղեկավար ունենալ
ՆԱՏՕ-ի գլխավոր քարտուղար Յենս Ստոլտենբերգը՝ Նորվեգիայի նախկին վարչապետը, պաշտոնը զբաղեցնում է 2014 թվականի հոկտեմբերից: Դաշնակիցները նրա պայմանագիրը երկարացրել են մինչեւ 2022 թվականը:
Ռազմական փորձագետ. Իշխանությունների քաղաքականությունը կարող է կործանարար հետեւանքներ ունենալ Հայաստանի համար
«Եթե ​​այսօր ՀՀ իշխանությունները թեկուզ տեսականորեն փորձեն շարունակել «եւ...եւ ...» սխալ քաղաքականության իրականացումը, ապա կարելի է արձանագրել, որ մոտ ապագայում մենք կարող ենք կորցնել Հայաստանի ինքնիշխանության ուժային բաղադրիչը...
Սպիտակ տանը մեկնարկել է Բայդեն-Մերկել հանդիպումը
ԱՄՆ-ի եւ Գերմանիայի միջեւ համագործակցությունը ամուր է, եւ մենք մտադիր ենք շարունակել այն: Վստահ եմ, որ այդպես էլ կլինի...
Ջորջ Բուշը համարում է, որ Աֆղանստանից ամերիկյան զորքերի դուրս բերումը «սխալ է»
Գերմանական Deutsche Welle հեռուստաընկերությանը տված հարցազրույցում Բուշը հայտարարել է, որ աֆղանցի կանանց եւ աղջիկներին «աննկարագրելի վնաս կհասցվի»...
Ամենաշատ