News
Լրահոս
News
Չորեքշաբթի
Հուլիս 28
Տեսնել լրահոսը

ՀՀ վարչապետի ժ/պ Նիկոլ Փաշինյանն իր «Քաղաքացիական պայմանագիր» կուսակցության անունից հունիսի 16-ին հայտարարեց, որ ընտրակաշառքի մասին վկայող, ընտրակաշառք տալու փաստ ապացուցող յուրաքանչյուր տեսանյութի համար պատրաստ է վճարել 1000 դոլարին համարժեք 500 հազար դրամ։ Այս մասին հայտարարություն է տարածել ԱԱԾ պահեստազորի սպաների միությունը:

Հայտարարությունում ասվում է.

«Սիրելի հայրենակիցներ, առաջարկում ենք նշված գումարը ստանալու համար Նիկոլ Փաշինյանին ներկայացնել նաև՝

իր իսկ համախոհների և պաշտոնատար անձանց կողմից հանրապետության մարզեր, այդ թվում՝ Սյունիք, կազմակերպած ավտոերթերի մեջ ներառված տրանսպորտային միջոցները վառելիքով լիցքավորելու, այդ նպատակով գումարներ կամ կտրոններ տրամադրելու,

հիմնարկ-ձեռնարկությունների աշխատակիցներին, պետական ծառայողներին և այլ քաղաքացիներին հարկադրաբար կամ ջանադիր համոզման, շահագրգռման եղանակով միտինգների, երթերի բերելու, ակցիաներին մասնակից դարձնելու համար գումարներ տալու կամ որևէ այլ կերպ շահագրգռելու,

«Քաղաքացիական պայմանագիր» կուսակցության կամ կեղծ ընդդիմություն հանդիսացող ուժերի օգտին քվեարկելու դիմաց գումար տալու կամ ցանկացած որևէ այլ կերպ շահագրգռելու,

մարդկանց ազատ կամարտահայտության վրա ազդելու նպատակով վարչական ռեսուրսի օգտագործման կամ այդ իմաստով ցանկացած այլ ապօրինության,

ընտրության ընթացքում քաղաքացիներին խմբերով կամ առանձին ընտրատեղամասեր տեղափոխելու, ուղղորդելու, նրանց փոխարեն քվեարկելու, արձանագրությունները կեղծելու կամ ցանկացած որևէ այլ ապօրինության,

ընտրությունների արդյունքներից բավարարված չլինելու հետևանքով քաղաքացիներին բախումների տանելու, դրանք հրահրելու վերաբերյալ ձայնագրությունները (որպեսզի ձայնագրությունները չկոծկվեն, խնդրում ենք դրանց մեկական օրինակ տրամադրել մեզ)։

Եթե Նիկոլ Փաշինյանն ու իր թիմակիցները կհրաժարվեն իրենց իսկ կողմից թույլ տված, վերը նկարագրված ապօրինությունների վերաբերյալ ձայնագրությունների դիմաց խոստացված գումարները վճարել, ապա «ԱԱԾ պահեստազորի սպաների միություն» ՀԿ-ն պատրաստակամ է նույն այդ ձայնագրություններից յուրաքանչյուրի դիմաց վճարել խոստացված, նույնիսկ դրանց չափը գերազանցող գումարներ՝ երաշխավորելով անձի գաղտնիությունը։

Բոլոր քաղաքացիներին կրկին հիշեցնում ենք, որ մեր կառույցը գործում է Պուշկինի 19 հասցեում (4-րդ հարկ, հեռախոս՝ (011) 54-00-45)։

Մենք վստահ ենք, որ հազարավոր ազնիվ քաղաքացիներ ֆինանսապես կօգնեն մեզ պահանջվող գումարները հայթայթելու, ձայնագրությունները ձեռք բերելու համար»:

Տպել
Կարդացեք նաև
Ամբողջը
«Հայաստան» դաշինքը «Պատիվ ունեմի» հետ քննարկումներից հետո հանդես կգա ԱԺ փոխխոսնակի միասնական թեկնածուով․ Ի․ Սաղաթելյան
Մենք «Պատիվ ունեմ» դաշինքին համարում ենք մեր բնական դաշնակիցը․․․
Ինչո՞ւ ձեններդ չի լսվում․ ստեղ մանդատ վերցնելու խնդիր էր․ սկսում եմ ընդդիմությունից հիասթափվել. Գ.Պետրոսյան
Որոշ իրավաբաններ ինձ հակադրվում էին, ասում էին ԱԺ լուծարման հիմք չկա, այսինքն եթե ընդդիմություն չլինի, ԱԺ-ն մեխանիկորեն չի լուծարվում...
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...
Ամենաշատ