Մենք չենք կարող տարեկան բյուջե ընդունել, քանի որ ամբողջ իշխող խմբակցությունը մասովկայի նման մասնակցում է Փաշինյանի հանրահավաքներին, որոնց քարոզարշավը նշանավորվեց սպառնալիքներով հասարակության բոլոր շերտերի հասցեին: Այս մասին հունիսի 18-ին լրագրողների հետ հանդիպմանն ասաց Ընտրությունների վերահսկման հանձնաժողովի անդամ, Հայաստանի խորհրդարանի անկախ պատգամավոր Նաիրա Զոհրաբյանը:
Նա հիշեցրեց, որ իր տարածաշրջանային այցերի ընթացքում հսկայական մասշտաբներով վարչական ռեսուրս է օգտագործվում:
«Բայց նույնիսկ դա հաշվի առնելով` երեկվա հանրահավաքին Փաշինյանը կարողացավ հավաքել 20 հազարից մի փոքր ավելին: Որոշ քաղաքացիներ եկել էին մուրճերով: Պատկերացնո՞ւմ եք, եթե մուրճերով գային Քոչարյանի հանրահավաքին: Համոզված եմ, որ Սորոսի ողջ խունտան ոռնոց կբարձրացներ»,- հավելեց Զոհրաբյանը:
Պատգամավորը նշեց, որ չգիտես ինչու ԵԱՀԿ/ԺՀՄԻԳ-ը չի արձագանքում Նիկոլ Փաշինյանի կողմից խախտումների ազդանշաններին` չնայած նախկինում իշխանությունների կողմից օրենքի խախտման դեպքում նրանք օրը տաս անգամ միջանկյալ զեկույցներ էին կազմում:
«Մենք դիտորդական առաքելությանը կադրեր ենք ուղարկել, որոնք ցույց են տալիս, թե ինչպես են Սեւանի հոգեբուժարանից առողջական խնդիրներ ունեցող մարդկանց նստեցնում մեքենաները եւ տեղափոխում Փաշինյանի հանրահավաքին: ԵԱՀԿ/ԺՀՄԻԳ-ը դեռ լռում է: Ալավերդու դպրոցի ուսուցիչներից մեկը հայտնել է, որ իրենց էքսկուրսիայի անվան տակ հրահանգված է երեխաներին բերել Շահումյանի հրապարակ, որտեղ նրանք պետք է նկարվեն` մարզպետարանին կատարված աշխատանքի մասին հայտնոլու համար»,- եզրափակեց նա:
