Իշխանություն գալուց հետո անհապաղ կգաղտնազերծենք ճանապարհների արգելափակման գործընթացը: Այդ մասին հունիսի 18-ին հայտարարել է Հայաստանի երրորդ նախագահ Սերժ Սարգսյանը:
«Բացի այդ, այդ գործընթացում կներառենք հայկական շահը
Կստեղծվի Արցախում 44-օրյա պատերազմի հանգամանքներն ուսումնասիրող հանձնաժողով: Այդ հանձնաժողովի աշխատանքի արդյունքում նրանք, ովքեր հանգեցրել են կապիտուլյացիայի, խստորեն կպատժվեն:
Կվերականգնենք Հայաստանի տարածքային ամբողջականությունը, կմշակենք եւ կհաստատենք ԶՈՒ-ն արդիականացնելու ծրագրեր:
Կիրականացնենք Հայաստանի եւ Արցախի միջեւ հարաբերությունների արդյունավետ համակարգում Արցախում մեր հայրենակիցների շահերը պաշտպանելու համար, որպեսզի նրանք չհենվեն միայն ռուս խաղաղապահների վրա: Բացի այդ, կվերականգնենք ղարաբաղյան հարցի կարգավորումը ԵԱՀԿ ՄԽ ձեւաչափում Արցախի ժողովրդի ինքնորոշման իրավունքն իրացնելու երաշխավորմամբ եւ Արցախի կարգավիճակի մասին հարցի առաջնահերթությամբ:
Կվերանայվի Հայաստանի կառավարության կառուցվածքը եւ կվերականգնվեն առնվազն գյուղատնտեսության, մշակույթի եւ սփյուռքի նախարարությունները: Կիրականացնենք կրթության համակարգում վերականգնող բարեփոխումներ:
«Հայաստան-Արցախ-Սփյուռք» կապը կվերանայվի եւ կվերաիմաստավորվի, հաջողությամբ կհամակարգվի այդ եռամիասնության կապը: Կսկսենք բանակցությունները ԵՄ-ի եւ Հայաստանի միջեւ ստորագրված Համապարփակ եւ ընդլայնված գործընկերության մասին համաձայնագրի շրջանակում»,-հավելել է նա:
