News
Լրահոս
News
Չորեքշաբթի
Օգոստոս 04
Տեսնել լրահոսը

Արմեն Չարչյանը չի ընդունում առաջադրված մեղադրանքը ամբողջ ծավալով: Այս մասին, այսօր՝ հունիսի 20-ին, մամուլի ասուլիսի ժամանակ նշեց «Հայաստան» դաշինքի ցուցակում ընդգրկված «Իզմիրլյան» ԲԿ տնօրեն ԱՐմեն Չարչյանի պաշտպաններից Էրիկ Ալեքսանյանը:

«Ձայնագրության մասով ուզում եմ նշել, որ ՀՔԾ-ի համար հիմք է հանդիսացել հանց այդ ձայնագրությունը: Բայց պետք է հասկանալ, թե ինչպես է այդ ձայնագրությունն ի հայտ եկել: Մեղադրանքում դրված է Բաղրամյան 26 տելեգրամյան ալիքի կողմից հրապարակված ձայնագրությունը: Մենք այստեղ գործ ունենք չհրապարակված աղբյուրի կողմից հրապարակված ձայնագրության հետ: Քրեական դատավարության տեսությունում անհայտ աղբյուրի կողմից հրապարակված ցանկացած փաստարկ կամ տվյալ հավասար է անոնիմ հաղորդմանը: Իսկ Անոնիմ հաղորդումը չի հանդիսանում որպես քրգործ հարուցելու օրինական առիթ:

Սովորաբար նման հաղորդումների դեպքում դրանք չեն անտեսվում, անում են ստուգողական գործողություններ եւ միայն դրանից հետո, եթե հաստատվում են հանցագործության հատկանիշները, քրգործ հարուցելու առիթ է հանդիսանում ստուգողական գործողությունների արդյունքը, բայց ոչ անոնիմ հաղորդումը:

Հետեւաբար Արմեն Չարչյանի նկատմամբ չէր կարող ոչ միայն քրեական հետապնդում իրականացվել, այլեւ չենք կարող խոսել օրինական քրգործի հարուցման մասին»,- ասաց փաստաբանը:

Նա նկատեց, որ դատարանը Արմեն Չարչյանին ազատ արձակելու իր որոշման հիմքում դրել է այն, որ բացակայում է ձերբակալման հիմնավոր կասկածը. «Դատարանը եւս համարել է, որ դա հավասարազոր է անոնիմ հաղորդման, հետեւաբար դրա հիման վրա անձի ազատությունը չէր կարող սահմանափակվել:

Սա ակնհայտ քաղաքական հետապնդում է, շատ շուտ պարոն Չարչյանը ձեռք է բերելու արդարացվածի կարգավիճակ եւ այս խայտառակ հետապնդմանը վերջ կտրվի»:

Էրիկ Ալեքսանյանը նաեւ նկատեց, որ նախաքննական մարմինը ձայնագրության փորձաքննության է ուղարկել՝ համոզվելու համար, որ այնտեղ խոսացողը Արմեն չարչյանն է, այսինքն իրենք եւս կասկածներ են ունեցել:

Ավելի վաղ NEWS.am-ը հայտնել էր, որ մամուլում տարածվել էր ձայնագրություն Արմեն Չարյանի կողմից իրեն իր ենթակա աշխատակիցների նկատմամբ ճնշում գործադրելու վերաբերյալ: Այդ առիթով ՀՔԾ-ում հունիսի 18-ին հարուցվել է քրեական գործ ` ՀՀ քրեական օրենսգրքի 154.2-րդ հոդվածի 4-րդ մասի 2-րդ կետով:

Ըստ ՀՔԾ հաղորդագրության, Արմեն Չարչյանն, օգտագործելով իրենից ծառայողական կախվածության մեջ գտնվելու հանգամանքը, իր ղեկավարած բժշկական կենտրոնի աշխատակիցներին հարկադրել է պարտադիր կերպով մասնակցել Ազգային ժողովի արտահերթ ընտրություններին:

Վերջինս, մասնավորապես, հորդորել է դեմ քվեարկել գործող իշխանություններին` միաժամանակ սպառնալով, որ իր պահանջը չկատարելու դեպքում իր և ողջ տնօրինության կողմից արժանանալու են «շատ ավելի կոշտ վերաբերմունքի» և «խիստ անհամարժեք պատասխանի», և որ ինքն ու իր ղեկավարությամբ գործող ստորաբաժանումների ղեկավարները «ստուգելու են», թե ովքեր են մասնակցել ընտրություններին` ակնարկելով, որ ինքն է որոշում նրանց «սերունդների ճակատագիրը»:

ՀՀ քրեական օրենսգրքի 154.2-րդ հոդվածի 4-րդ մասի 2-րդ կետով նախատեսված ծանր հանցանք կատարելու կասկածանքով Ա. Չ.-ն ՀՀ հատուկ քննչական ծառայության քննիչի կողմից ձերբակալվել էր:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հայաստան» դաշինքը «Պատիվ ունեմի» հետ քննարկումներից հետո հանդես կգա ԱԺ փոխխոսնակի միասնական թեկնածուով․ Ի․ Սաղաթելյան
Մենք «Պատիվ ունեմ» դաշինքին համարում ենք մեր բնական դաշնակիցը․․․
Ինչո՞ւ ձեններդ չի լսվում․ ստեղ մանդատ վերցնելու խնդիր էր․ սկսում եմ ընդդիմությունից հիասթափվել. Գ.Պետրոսյան
Որոշ իրավաբաններ ինձ հակադրվում էին, ասում էին ԱԺ լուծարման հիմք չկա, այսինքն եթե ընդդիմություն չլինի, ԱԺ-ն մեխանիկորեն չի լուծարվում...
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...