News
Լրահոս
News
Ուրբաթ
Հուլիս 30
Տեսնել լրահոսը

Ճապոնիայում խորհրդարանի երկու պալատները հաստատել են օրինագիծը, որը թույլ է տալիս մասնավոր ընկերություններին մշակել, հայթայթել եւ օգտագործել տիեզերական ռեսուրսները: Առաջարկն աջակցություն է ստացել երկու խոշորագույն քաղաքական ուժերի՝ Լիբերալ-դեմոկրատական եւ Սահմանադրա-դեմոկրատական կուսակցությունների կողմից: Նմանատիպ օրենքներն արդեն ընդունել են ԱՄՆ-ում, Լյուքսեմբուրգում եւ ԱՄԷ-ում, գրում է HighTech-ը:

«Մենք սատարում ենք Ճապոնիայի կողմից տիեզերական ռեսուրսների մասին օրենքի ընդունումն ու ողջունում անկուսակցական խորհրդարանական խմբին, որ աշխարհում առաջիններից են, որ նախաձեռնել են գործողություններ այդ ուղղությամբ»,-հայտարարել է լուսնային մոդուլի հիմնադիր, ispace ընկերության տնօրեն Թաքեշի Հաքամադան:

Երկրի խորհրդարանի ընդունած օրինագիծը նման է 2015 թվականին ԱՄՆ-ի ընդունած կոմերցիոն տիեզերքի մասին օրենքին, հաղորդում է Space News-ը: Այն ընկերություններին իրավունք է ընձեռում տիեզերքում հայթայթված գտածոների համար, սակայն չի լիազորում երկնային մարմինների համար, հակառակ դեպքում դա կհակասեր 1967 թվականին ընդունված Տիեզերքի մասին պայմանագրին: Այդպիսի օրենքներ են ընդունել նաեւ Լյուքսեմբուրգն ու ԱՄԷ-ն:

Բոլոր չորս պետությունները գործընկերներ են «Արտեմիսի համաձայնագրի» շրջանակում, որը կարգավորում է Լուսնի, Մարսի, երկնաքարերի եւ աստերոիդների օգտագործման ու հետազոտման հարցում քաղաքացիական գործունեության եւ համագործակցության սկզբունքները: Այդ համաձայնագրի մեջ ասվում է, որ տիեզերական ռեսուրսների հայթայթումը չի նշանակում դրանց յուրացում՝ ըստ Տիեզերքի մասին համաձայնագրի II հոդվածի, եւ որ այդ գործընթացի պայմանագրերն ու մյուս իրավական գործիքները պետք է համապատասխանեն Համաձայնագրին:

Ռուսաստանն այլ տեսակետ ունի այդ հարցի շուրջ: Օրերս Ռոսկոսմոսի ղեկավար Դմիտրի Ռոգոզինը Սանկտ Պետերբուրգում GLEX-2021 տիեզերական տարածությունն ուսումնասիրելու միջազգային համաժողովի ժամանակ հայտարարել է. «Ռուսական տեսակետը կայանում է նրանում, որ պետությունները չպետք է միակողմանի կարգով ընդունեն նորմատիվ ակտեր, որոնք նրանց առավելություն են տալիս»: Ինչպես նաեւ հայտնել է, որ Ռուսաստանն արդեն հետ է մնացել «իր իրավական ապահովման մեջ այն նոր քայլերից, որոնք կատարել են առաջատար երկրները»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ը հայտարարել է, որ մեծ թվով խոշոր աստղակերպեր կարող են ընկնել Երկրի վրա
Գիտնականները նշում են Երկրին երկնային շատ մարմինների մոտենալու մասին...
Բեզոսը 2 միլիարդ դոլար է խոստացել NASA-ին` տիեզերագնացներին Երկրի արբանյակ հասցնելու պայմանագրի դիմաց
Blue Origin ընկերությունը 2 միլիարդ դոլար կտրամադրի լուսնային վայրէջքային մոդուլի ստեղծման համար` տիեզերագնացներին Երկրի արբանյակ հասցնելու պայմանագիր դիմաց...
Իլոն Մասկի հրթիռային ընկերությունը 178 միլիոն դոլարի արձակման պայմանագիր է ստացել
Europa Clipper առաքելությունը պետք է տեղի ունենա 2024 թվականի հոկտեմբերին․․․
Blue Origin-ը տիեզերք ապագա ուղեւորական թռիչքների համար 100 մլն դոլարի չափով տոմսեր է վաճառել
Ընկերությունը չի հրապարակում New Shepard-ով թռիչքի գները...
Ջեֆ Բեզոսը տիեզերքից տեսանյութ է հրապարակել
Երբ նրան հարցրել են, թե արդյոք նորից կթռչի, Բեզոսը պատասխանել է. «Սատանան տանի, այո․․․
Մոլորակի ամենահարուստ մարդը՝ Ջեֆ Բեզոսը, մի քանի րոպե տիեզերքում է անցկացրել
«Այս պարկուճում գտնվում է մարդկանց շատ ուրախ խումբ»,- ասել է Բեզոսը այն բանից հետո, երբ տիեզերանավը վայրէջք է կատարել Տեխասի արեւմուտքում գտնվող անապատում․․․