Ավիատիեզերական եւ օդային շոուի միջազգային առաջատար ցուցահանդեսը, որի ընթացքում միլիարդավոր դոլարների գործարքներ են կնքվում, կանցկացվի նոյեմբերին կորոնավիրուսի համավարակի պատճառով թողունակության սահմանափակումների պայմաններում, հաղորդում է Reuters-ը՝ վկայակոչելով միջոցառման կազմակերպչի հայտարարությունը: Ցուցադրությունը որպես հոգեբանական խթան է դիտվում ավիաընկերությունների եւ օդանավերի արտադրողների համար՝ համաճարակային ճգնաժամից տուժած արդյունաբերությունը վերագործարկելու համար:

Dubai Airshow-ն, որը նախատեսված է նոյեմբերի 14-18-ը, ամենամեծ իրադարձությունը կդառնա ավիատիեզերական առեւտրի ոլորտում 2020 եւ 2021 թվականներին Ֆարնբորոյում եւ Լե-Բուրժեում համավարակի պատճառով եվրոպական ցուցահանդեսների չեղարկումից ի վեր: