Իսլամական հեղափոխության պահապանների կորպուսի (ԻՀՊԿ, Իրանի ԶՈւ էլիտար զորամասեր) զինծառայողները հայտնաբերել եւ վնասազերծել են «ահաբեկիչների եւ հակահեղափոխականների» երեք խումբ Իրանի հյուսիս-արեւմուտքում։ Այս մասին ասել է ԻՀՊԿ ցամաքային ուժերի հրամանատար, բրիգադի գեներալ Մոհամադ Փաքպուրը։
«Անցած ուրբաթ տեղի ունեցած նախագահական ընտրություններից առաջ թշնամին փորձում էր հատուկ պլաններ եւ ահաբեկչական գործողություններ իրականացնել, բայց հանդիպեց ԻՀՊԿ ցամաքային ուժերի կոշտ դիմակայությանը,- երեքշաբթի Փաքպուրին մեջբերել է Fars գործակալությունը։- Ահաբեկիչների եւ հակահեղափոխականների երկու խումբ վնասազերծվել է Օշնավիե եւ Բանե քաղաքներում (Արևեւմտյան Ադրբեջան եւ Քուրդիստան՝ համապատասխանաբար)»։
Գեներալի խոսքով՝ ահաբեկիչների եւս մեկ խումբ, որը թափանցել էր Քուրդիստան նահանգի Սարվաբադ քաղաք, նույնպես ոչնչացվել է։