News
Լրահոս
News
Հինգշաբթի
Փետրվար 02
USD
395.53
EUR
393.43
RUB
6.42
Տեսնել լրահոսը

Մարդու իրավունքների ազգային հաստատությունների եվրոպական ցանցը (ENNHRI) հրապարակել է հոդված, որով Հայաստանի մարդու իրավունքների պաշտպանի և Վրաստանի հանրային պաշտպանի համատեղ փորձը պետական սահմանի անցման կետերի մշտադիտարկման հարցում համարվել է առաջատար Եվրոպայում: Հայաստանի և Վրաստանի սա եղել է երբևէ առաջին փորձը: Այս մասին NEWS.am-ը տեղեկանում է հայաստանի ՄԻՊ-ից:

ENNHRI-ի նպատակն է պաշտպանել և խթանել մարդու իրավունքները Եվրոպայում: Կառույցին անդամակցում է 40 ԵՄ և ԵԽ մարդու իրավունքների ազգային հաստատություն: Ցանցը ծառայում է իբրև տարբեր ոլորտներում անդամների փորձի փոխանակման, աջակցման և ընդհանուր խնդիրների համար արդյունավետ հարթակ:

Հրապարակման մեջ ներկայացվում է տեղեկություն միգրանտների, ապաստան հայցող և միջազգային պաշտպանության կարիք ունեցող անձանց իրավունքների պաշտպանության ոլորտում երկու կառույցների լիազորությունների վերաբերյալ: Քննարկվում է նաև պետական սահմանի անցման կետերում մշտադիտարկման առումով համագործակցության և համատեղ աշխատանքի սկզբունքները:

ENNHRI-ն՝ որպես դրական օրինակ, ընդգծել է երկու երկրներում ՄԱԿ-ի Փախստականների հարցերով գերագույն հանձնակատարի գրասենյակների դերը նշված համագործակցության առումով: Վերոհիշյալ կառույցների հետ Մարդու իրավունքների պաշտպանի հաստատությունն ունի կայուն և արդյունավետ համագործակցություն: Այն, ի թիվս այլնի, միտված է ապաստան հայցող անձանց ու փախստականների, ինչպես նաև տեղահանված անձանց ու միգրանտների իրավունքների արդյունավետ պաշտպանության մեխանիզմների ապահովմանը՝ փորձի և տեղեկության փոխանակման միջոցով:

Հոդվածում անդրադարձ է կատարվում Հայաստանի մարդու իրավունքների պաշտպանի և Վրաստանի հանրային պաշտպանի աշխատակազմերի ու գործընկեր կառույցների կողմից սահմանապահ ծառայողների և այլ պաշտոնատար անձանց վերապատրաստումներին:

Մարդու իրավունքների պաշտպանը մշտապես ընդգծել է Սահմանապահ զորքերի ծառայողների կարևոր դերը մարդու իրավունքների պաշտպանության գործում:

Հատկանշական է, որ նրանց կարողությունների պարբերական զարգացումը կարևոր է առաջին հերթին միջազգային պաշտպանության կարիք ունեցող անձանց իրավունքների ապահովման տեսանկյունից:

Տպել
Կարդացեք նաև
Ամբողջը
ՊԵԿ-ի Վրաստանի ֆինանսների նախարարության քննչական ծառայության ղեկավարները ստորագրել են փոխըմբռնման հուշագիր
Ձեռք են բերվել մի շարք պայմանավորվածություններ…
Վերջնական տեսքի են բերվում արագ արձագանքման բժշկական թիմի գործելակարգերը
Հունվարի 26-28-ը Երեւանում անցկացված աշխատաժողովը վերջինն է մեր թիմի՝ գարնանը նախատեսված դաշտային վարժանքից առաջ, մասնակցում են Հայաստանի...
Հայ-վրացական սահմանի հատման պարզեցված ռեժիմի մասին համաձայնագիրն ուժի մեջ է մտել
Համաձայնագիրը, որի համաձայն՝ երկու երկրների քաղաքացիները կկարողանան միջպետական սահմանը հատել առանց ․․․
Գեորգի Շարվաշիձեն նշանակվել է Հայաստանում Վրաստանի դեսպան
Գեորգի Շարվաշիձեն մանկավարժական գիտությունների թեկնածու է, Եվրոպական ակադեմիայի անդամ․․․
Վրաստանի հետ ապրանքաշրջանառությունը մոտեցել է 1 մլրդ դոլարին․ ՀՀ վարչապետ
Վարչապետի խոսքով՝ անցած տարի Վրաստան է արտահանվել ավելի շատ էլեկտրաէներգիա, քան նախորդ 10 տարիներին միասին...
Միրզոյանը եւ Դարչիաշվիլին քննարկել են տարածաշրջանային անվտանգության եւ կայունության մի շարք հարցեր
Հանդիպման ընթացքում մանրամասն քննարկվել են նաեւ տարածաշրջանային անվտանգության…
Ամենաշատ