Ռոբերտ Քոչարյանի քաղաքական ճակատագիրն է՝ հաղթել ընտրությունների երկրորդ փուլում։ Այս մասին այսօր՝ հունիսի 22-ին, լրագրողների հետ հանդիպմանն ասաց հայագետ Հայկազուն Ալվրցյանը։
«Այս մարդը Կարեն Դեմիրճյանին հաղթեց երկրորդ փուլում, Կարեն Դեմիրճյանի որդուն՝ նույնպես։ Հիմա խորհրդարանական ընտրություններին էլ վստահ արդեն սպասում եմ, որ պետք է հաղթի երկրորդ փուլում։ Եվ թուրքերին էլ երկրորդ անգամ պետք է հաղթի՝ մի անգամ առաջին պատերազմի ժամանակ, և հիմա, երբ «Հայաստան» դաշինքի հաղթանակը կլինի ներքին թուրքերի պարտությունը։ Կարելի է Ռոբերտ Քոչարյանին ասել, որ դա քո ճակատագիրն է՝ երկրորդ փուլում ամեն ինչ անելու հաղթանակի համար»,- նշեց Հ.Ալվրցյանը։
